سعودی اتحاد کے ہاتھوں یمنی زرعی شعبے کو 7.5 بلین ڈالر کا نقصان

🗓️ 5 ستمبر 2022

سچ خبریں:یمنی وزارت زراعت کا کہنا ہے کہ یمن کے خلاف سعودی اتحاد کے حملوں کے آغاز سے لے اب تک اس ملک کے زرعی شعبے کو 7.5 بلین ڈالر کا نقصان ہوا ہے۔

یمن کی وزارت زراعت اور آبپاشی نے ایک رپورٹ میں اس ملک پر سعودی عرب اور اس کے اتحادیوں کے حملوں کے آغاز سے اب تک زرعی شعبے کو پہنچنے والے نقصانات کا تخمینہ لگ بھگ 7.5 بلین ڈالر لگایا ہے،یمن کی قومی نجات حکومت کے زراعت اور آبپاشی کے وزیر عبدالملک الثور نے اس بارے میں ایک پریس کانفرنس میں کہا کہ سعودی اتحاد کے حملوں کے آغاز کے بعد سے 7 ارب 47 کروڑ 77 لاکھ 507 ہزار ڈالر کا زرعی شعبے کو نقصان پہنچا ہے۔

انہوں نے کہا کہ زرعی شعبے میں ہونے والے بالواسطہ نقصانات کی لاگت 103 ارب 801 ملین 764 ہزار ڈالر سے تجاوز کر گئی ہے، الثور نے وضاحت کی کہ زرعی شعبے کی عمارتوں، پانی کی تنصیبات، زرعی منڈیوں، برآمدی مراکز، گوداموں اور دکانوں کو براہ راست نقصان پہنچا۔

انہوں نے نشاندہی کی کہ اس عرصے کے دوران پانی کی پائپ لائنوں، ذخائر، جانوروں کی افزائش کے مراکز، شہد کی مکھیوں اور پولٹری کو نشانہ بنایا گیا جس کے نتیجہ میں یمن کی معیشت کو بے حد نقصان پہنچا۔