سات اکتوبر کے واقعات کے بعد ہر اسرائیلی کے قتل کے بدلے کم از کم پچاس فلسطینی مارے جانے چاہئیں:اسرائیلی جنرل

?️ 17 اگست 2025

سات اکتوبر کے واقعات کے بعد ہر اسرائیلی کے قتل کے بدلے کم از کم پچاس فلسطینی مارے جانے چاہئیں:اسرائیلی جنرل

اسرائیلی فوجی انٹیلی جنس کے سابق سربراہ جنرل (ریٹائرڈ) اہارون ہالیوا نے ایک متنازع بیان میں کہا ہے کہ سات اکتوبر کے واقعات کے بعد ہر اسرائیلی کے قتل کے بدلے کم از کم پچاس فلسطینی مارے جانے چاہئیں۔ انہوں نے یہاں تک کہا کہ "غزہ میں پچاس ہزار ہلاکتیں آئندہ نسلوں کے لیے ضروری ہیں، چاہے وہ بچے ہی کیوں نہ ہوں۔

اسرائیلی چینل 12 کی جانب سے جاری کی گئی آڈیو اور ویڈیو ریکارڈنگز میں ہالیوا نے 7 اکتوبر کو پیش آنے والے انٹیلی جنس ناکامی کی ذمہ داری قبول کرتے ہوئے، خفیہ ایجنسی شاباک کے حماس رہنماؤں کو قتل کرنے کے منصوبوں پر بھی بات کی۔

انہوں نے کہا کہ ان کا مقصد انتقام نہیں بلکہ نسلوں کے لیے پیغام دینا ہے۔ ہالیوا کے مطابق "فلسطینیوں کو وقتاً فوقتاً ایک نئی نَکبت (تباہی) کا سامنا کرنا چاہیے تاکہ وہ اس کی قیمت کو محسوس کریں۔

ہالیوا نے اعتراف کیا کہ اسرائیلی سکیورٹی ادارے 7 اکتوبر سے پہلے حد سے زیادہ پُراعتماد تھے اور سمجھتے تھے کہ وہ ہر چیز پر قابو رکھ سکتے ہیں۔ ان کے مطابق یہ صرف غرور نہیں بلکہ ایک گہری ساختی خامی ہے۔

انہوں نے مزید انکشاف کیا کہ شاباک 7 اکتوبر سے پہلے ہی حماس کے کمانڈروں محمد الضیف اور یحییٰ السنوار کو قتل کرنے کی منصوبہ بندی کر رہا تھا۔

سابق انٹیلی جنس سربراہ نے موجودہ اسرائیلی کابینہ کو ناتجربہ کار قرار دیتے ہوئے کہا کہ ایتامار بن گویر اور بزالل سموتریچ جیسے وزراء کو سکیورٹی معاملات کی بنیادی سمجھ تک نہیں ہے۔ ان کے مطابق یہ حکومتی کمزوری اسرائیل کو مزید خطرات کی طرف دھکیل رہی ہے۔