دوحہ اجلاس میں اسرائیل کے خلاف عرب و اسلامی ممالک کے ممکنہ فیصلے کیا ہوں گے؟

دوحہ اجلاس میں اسرائیل کے خلاف عرب و اسلامی ممالک کے ممکنہ فیصلے کیا ہوں گے؟

قطر کے دارالحکومت دوحہ میں آج عرب اور اسلامی ممالک کے سربراہان کا ہنگامی اجلاس ہو رہا ہے، جہاں توقع کی جا رہی ہے کہ اسرائیل کے خلاف عملی اقدامات پر فیصلے سامنے آئیں گے۔ الجزیرہ کے مطابق، اس اجلاس میں سب سے اہم سناریو تل ابیب کے حامیوں پر دباؤ ڈالنا اور عادی‌سازی کے عمل کو روکنا ہوگا۔

عرب و اسلامی دنیا پُر امید ہے کہ یہ اجلاس گزشتہ اجلاسوں سے مختلف ہوگا اور صرف بیانات تک محدود نہیں رہے گا۔ دوحہ کی کوشش ہے کہ اجلاس میں واضح اور عملی لائحہ عمل طے کیا جائے تاکہ اسرائیل کی حالیہ تجاوزات پر ٹھوس ردعمل دیا جا سکے۔

الجزیرہ کے مطابق، اجلاس میں یہ آپشنز زیر غور آ سکتے ہیں:اسرائیل کی کھل کر مذمت اور اس کے خلاف بین الاقوامی مہم چلانا۔عادی‌سازی کے عمل کی معطلی جو اسرائیل کے لیے سب سے زیادہ تکلیف دہ قدم سمجھا جا رہا ہے۔اقتصادی، تجارتی اور ثقافتی تعلقات کا خاتمہ، بشمول اسرائیل اور اس کے ساتھ تعاون کرنے والی کمپنیوں کا بائیکاٹ اور بندرگاہوں سے انکار۔

عرب و اسلامی مشترکہ دفاعی تعاون کی بحالی تاکہ فضائی و زمینی خلاف ورزیوں کا مقابلہ کیا جا سکے۔قطر کی ثالثی کی کوششوں کی حمایت اور غزہ میں جنگ بندی کے لیے عملی اقدامات۔رفح کراسنگ کھولنے اور انسانی امداد کی فراہمی کے لیے عالمی دباؤ بڑھانا۔غزہ کی تباہ حال بنیادی ڈھانچے کی تعمیرِ نو کا آغاز۔

الجزیرہ کے مطابق، اگرچہ یہ تمام آپشنز زیر غور ہیں لیکن اسرائیل کے ساتھ براہِ راست فوجی تصادم کا امکان کم ہے۔ زیادہ تر ماہرین سیاسی، سفارتی اور اقتصادی اقدامات کو اجلاس کا اصل محور قرار دیتے ہیں۔

عراقی وزیراعظم محمد شیاع السودانی نے کہا ہے کہ عرب و اسلامی ممالک کے پاس ایسے کئی اہرَم ہیں جنہیں استعمال کرکے اسرائیلی جارحیت کو روکا جا سکتا ہے اور یہ حملے صرف قطر تک محدود نہیں رہیں گے۔

اس اجلاس سے پہلے اتوار کو اسلامی تعاون تنظیم (OIC) کے وزرائے خارجہ نے بھی دوحہ میں ہنگامی میٹنگ کی تھی۔ یہ اجلاس قطر پر اسرائیلی حملے کے بعد بلایا گیا تھا۔ آج کے اجلاس میں اسلامی جمہوریہ ایران کی نمائندگی صدر مسعود پزشکیان کریں گے۔