دن رات بمباری، رات دن قتل عام

?️ 26 اکتوبر 2023

سچ خبریں: گذشتہ رات اسرائیلی فوج نے غزہ کی پٹی کے مختلف علاقوں پر بمباری کی اور بے دفاع فلسطینی خواتین اور بچوں سمیت متعدد فلسطینیوں کو شہید کردیا۔

المیادین چینل کی رپورٹ کے مطابق صہیونی فوج نے گذشتہ رات غزہ کی پٹی کے مختلف علاقوں پر بمباری کی۔

المیادین کے رپورٹر کا کہنا ہے کہ صیہونی حکومت کی مجرم فوج کے جنگی طیاروں نے غزہ کی پٹی کے جنوب میں رفح میں واقع شابورہ کیمپ میں ابو غالی خاندان کے گھر پر بمباری کی،اس وحشیانہ حملے میں کم از کم ایک بچی شہید ہوئی۔

یہ بھی پڑھیں: کیا غزہ میں بھی بوسنیا کی طرح نسل کشی کی جا رہی ہے؟

صہیونی فوج کی جانب سے غزہ کی پٹی کے مشرقی علاقوں پر بھی بمباری کی گئی۔

صیہونی حکومت کے جنگی طیاروں نے غزہ کی پٹی کے شمال میں واقع بیت لاہیا میں اس جگہ پر بمباری کی جہاں عام شہری موجود تھے، ان وحشیانہ حملوں میں متعدد فلسطینی شہید یا زخمی ہوئے۔

المیادین کے رپورٹر نے اعلان کیا ہے کہ گذشتہ رات غزہ کی پٹی کے شمال اور مرکز میں صہیونی فوج کی شدید بمباری دیکھنے میں آئی۔

غزہ شہر کے مغرب میں واقع النصر قصبے پر بھی صیہونی مجرموں نے بمباری کی۔

خبر رساں ذرائع کی رپورٹوں کے مطابق گزشتہ گھنٹوں کے دوران تل الہوا کے علاقے میں بھی صیہونی فوج کی طرف سے شدید بمباری کی گئی ہے۔

مزید پڑھیں: کیا سلامتی کونسل غزہ بحران کو حل کر سکتی ہے؟

دوسری جانب المیادین کے رپورٹر نے اطلاع دی ہے کہ غزہ اس وقت صیہونی فوج کی طرف سے 7 اکتوبر کو تنازع کے آغاز کے بعد سے سب سے زیادہ توپ خانے کی گولہ باری کا مشاہدہ کر رہا ہے اور خاص طور پر البرج اور نصرت کے مشرق میں گولہ باری کی گئی ہے۔

اس کے علاوہ مزید شہداء کی لاشیں جن میں فلسطینی بچے بھی شامل ہیں، کو الاقصیٰ شہداء اسپتال منتقل کیا گیا ہے۔