دنیا کی ہر جنگ میں امریکہ ضرور دکھائی دیتا ہے:عراقی پارلمنٹ ممبر

?️ 14 فروری 2021

سچ خبریں:ایک عراقی نمائندے نے زور دے کر کہا کہ امریکہ پوری دنیا خصوصا عراق میں دہشت گردوں کی حمایت کرتا ہے۔
بغداد الیوم کی رپورٹ کے مطابق عراقی رکن پارلیمنٹ محمد البلداوی نے کہا کہ امریکہ اس ملک میں دہشت گردوں کی مدد کر رہا ہے، انہوں نے مزید کہاکہ عراق کو امریکی حمایت سے دہشت گرد حملوں کا سامنا ہے،انھوں نے مزید کہا کہ سب جانتے ہیں کہ امریکہ عالمی دہشت گردی کی حمایت کرتا ہے۔

البداوی نے کہا کہ یہ کوئی دعویٰ نہیں ہے کیونکہ ہم نے سابق امریکی صدور کو اس کا اعتراف کرتے دیکھا ہے، انہوں نے مزید کہاکہ آپ دنیا بھر کے تمام تنازعات میں امریکہ کےقدموں کے نشان دیکھ سکتے ہیں،یادرہے کہ گذشتہ روز عراق کے صوبہ دیالی میں مسلم علما یونین کے صدر ، جبار المعموری نے اعلان کیا تھا کہ امریکہ نے شام میں داعش کے 10000 سے زیادہ ممبروں کے لئے حفاظتی انتظامات فراہم کیے ہوئے ہیں، انہوں نے مزید کہا کہ داعش کے 10000 سے زیادہ جنگجو شام کے کچھ علاقوں میں تعینات ہیں جو زیادہ تر عراقی سرحد کے قریب ہیں۔

واضح رہے کہ امریکہ داعش کا مقابلہ کرنے کے بہانے عراق اور شام میں داخل ہوا تھا جبکہ یہاں آکر اس نے صرف ان ممالک کے قدرتی ذخائر کو ہی لوٹا ہے اور داعشی دہشتگردوں کےلیے سہلوت کار کے فرائض انجام دیے ہیں نیز اب جبکہ عراقی حکومت داعش کے خاتمہ کا اعلان کر چکی ہے اور امریکہ سے اپنے ملک سے نکل جانے کا مطالبہ کررہی ہے جس کے لیے اس ملک کی پارلیمنٹ نے پچھلے سال ایک بل بھی پا س کیا ہے جس میں غیر ملکی افواج کو فوری طور پر عراق سے نکل جانے کے لیے کہا گیا ہے تاہم امریکہ نے متعدد بہانوں سے اس بل پر عملدرآمد ہونے سے روکا ہوا ہے تاکہ وہ زیادہ سے زیادہ اس ملک کو لوٹ سکے۔