?️
حکومت سازی کا عمل صرف انتخابی نتائج پر منحصر نہیں ہوتا:عراقی وزیر اعظم
عراق کے وزیرِاعظم محمد شیاع السودانی نے کہا ہے کہ ملک میں حکومت سازی کا عمل صرف انتخابی نتائج پر منحصر نہیں ہوتا بلکہ سیاسی مشاورت ہمیشہ سے اس عمل کا اہم حصہ رہی ہے۔ الصباح کے مطابق انہوں نے واضح کیا کہ عراق میں گزشتہ کسی بھی پارلیمانی انتخاب میں محض اعداد و شمار نے حکومت کا فیصلہ نہیں کیا بلکہ سیاسی قوتوں کے درمیان بات چیت نے نتیجہ طے کیا ہے۔
انہوں نے اپنے اتحاد "بازسازی و ترقی” کو شیعہ سیاسی اتحاد، یعنی فریم ورک الائنس، کا حصہ اور سب سے بڑی پارلیمانی قوت قرار دیا۔ السودانی کا کہنا تھا کہ دوسری مدت کے لیے وزارتِ عظمیٰ ان کی ذاتی خواہش نہیں بلکہ جاری اصلاحات، ادھورے منصوبوں اور ملک کے مستقبل کے اہداف کو مکمل کرنے کی ذمہ داری ہے۔
ان کے مطابق تمام سیاسی قوتیں آئینی ٹائم لائن کی پابندی پر متفق ہیں اور حالیہ انتخابات پُرسکون ماحول میں منعقد ہوئے۔ انہوں نے انتخابی قانون میں ہر انتخاب سے قبل تبدیلی کی روایت کی مخالفت کرتے ہوئے کہا کہ قانون پر عمل درآمد کے دوران ضائع ہونے والے ووٹوں کا مسئلہ حل کرنا ضروری ہے۔
انہوں نے بغداد اور اربیل کے تعلقات کو مستحکم قرار دیتے ہوئے کہا کہ دونوں حکومتوں کے درمیان کوئی بنیادی تنازعہ نہیں اور تیل کے معاہدوں، برآمدات اور مالی حقوق سمیت اہم فائلوں پر پیش رفت ہو رہی ہے۔ ان کا کہنا تھا کہ اقلیمِ کردستان کے عوام کے مفادات ملک کے ہر شہری کے برابر ہیں اور بغداد و اربیل کے درمیان تعاون کے کئی مواقع موجود ہیں۔
سودانی نے واضح کیا کہ عراق کسی بھی غیر ملکی طاقت کا میدانِ نفوذ نہیں بنے گا اور بغداد بیرونی دباؤ کے دعووں کو درست نہیں سمجھتا۔ ان کے مطابق عراق مختلف ممالک کے ساتھ اپنے تعلقات باہمی احترام کی بنیاد پر برقرار رکھے گا۔
انہوں نے حکومت کی معاشی کارکردگی کا ذکر کرتے ہوئے کہا کہ ملک میں پہلی بار بنیادی مالی اصلاحات نافذ کی گئیں، سرمایہ کاری کے لیے سازگار ماحول پیدا ہوا اور پچاس سے زائد کارخانوں نے اپنی مصنوعات کی برآمد شروع کر دی ہے۔ بقول ان کے، بیروزگاری کی شرح سترہ سے کم ہو کر تیرہ فی صد تک آئی ہے اور پانچ لاکھ پچاس ہزار نوجوان حکومتی منصوبوں سے مستفید ہوئے ہیں۔
سودانی نے بتایا کہ 2028 تک گیس کی درآمد مکمل طور پر روکنے اور گیس کے جلاؤ منصوبوں کی تکمیل کا ہدف رکھا گیا ہے۔ انہوں نے مسعود بارزانی اور نیچروان بارزانی سے ملاقاتوں کا حوالہ دیتے ہوئے کہا کہ سیاسی مراحل کی تکمیل اور جمہوری نظام کے استحکام کے لیے تمام قومی قوتوں کا متحد ہونا ناگزیر ہے۔
یہ بیانات اس وقت سامنے آئے ہیں جب عراق کے الیکشن کمیشن نے پیر کی شب چھٹے پارلیمانی انتخابات کے حتمی نتائج جاری کیے۔ ان نتائج کے مطابق محمد شیاع السودانی کی قیادت میں بازسازی و ترقی کا اتحاد سب سے بڑی پارلیمانی قوت بن کر ابھرا۔ اس کے بعد فریم ورک الائنس نے اپنے اجلاس میں خود کو پارلیمان کا سب سے بڑا بلاک قرار دیا۔


مشہور خبریں۔
سید رضی کے قتل پر ایران کا ردعمل
?️ 26 دسمبر 2023سچ خبریں:صہیونی اخبار یروشلم پوسٹ نے قابض حکومت کے حکام کے حوالے
دسمبر
پہلا سائبر ٹرک منظر عام پر
?️ 16 جولائی 2023سچ خبریں: امریکی الیکٹرک کار ساز کمپنی ٹیسلا نے دو سال کی
جولائی
کابینہ کی تشکیل میں امریکی مداخلت فوری بند کی جائے؛ عراقی رکن پارلیمنٹ کا مطالبہ
?️ 5 اکتوبر 2026سچ خبریں:عراقی رکن پارلیمنٹ جاسم عطوان نے کابینہ کے امیدواروں کے انتخاب
اکتوبر
ہونڈوراس میں انتخابی بحران،ٹرمپ کی مبینہ مداخلت اور حکمران جماعت کا نتائج ماننے سے انکار
?️ 9 دسمبر 2025 ہونڈوراس میں انتخابی بحران،ٹرمپ کی مبینہ مداخلت اور حکمران جماعت کا نتائج
دسمبر
فلسطینی استقامت صیہونی حکومت کے ساتھ تنازعات کو ممکنہ حد تک پہنچائے گی: انصاراللہ
?️ 10 مئی 2023سچ خبریں:صیہونی حکومت کے جنگجوؤں نے آج منگل کی صبح غزہ کی
مئی
خیبر پختونخوا اور بلوچستان میں سکیورٹی فورسز کی کارروائیاں، 34خوارج جہنم واصل
?️ 25 فروری 2026راولپنڈی (سچ خبریں) خیبر پختونخوا اور بلوچستان میں سکیورٹی فورسز کی کارروائیوں
فروری
کرپشن کے مقدمے میں پرویز الہٰی کی 27 اپریل تک عبوری ضمانت منظور
?️ 14 اپریل 2023اسلام آباد:(سچ خبریں) انسداد بدعنوانی عدالت نے کرپشن کے مقدمے میں سابق
اپریل
پاکستان فلسطینی ریاست کو تسلیم کرنے کے عالمی فیصلوں کا خیرمقدم کرتا ہے۔ اسحاق ڈار
?️ 23 ستمبر 2025اسلام آباد (سچ خبریں) نائب وزیراعظم اور وزیر خارجہ اسحاق ڈار نے
ستمبر