حکومت جولانی نے صہیونی صحافی کی دھمکی کے بعد حلب میں طوفان الاقصی تقریب منسوخ کر دی

?️ 14 نومبر 2025

حکومت جولانی نے صہیونی صحافی کی دھمکی کے بعد حلب میں طوفان الاقصی تقریب منسوخ کر دی

 عالمی ذرائع کے مطابق شام کے شہر حلب میں منعقد ہونے والی طوفان الاقصی تقریب کو ایک صہیونی صحافی کی دھمکی کے بعد اچانک منسوخ کر دیا گیا۔ یہ تقریب حلب کے محکمۂ ثقافت اور فلسطینی فنکاروں کے تعاون سے آج شام 5 بجے منعقد ہونی تھی۔

اطلاعات کے مطابق صہیونی صحافی ایڈی کوہن نے سماجی رابطے کی ویب سائٹ ایکس پر ابومحمد جولانی جسے احمد الشرع کے نام سے بھی جانا جاتا ہے—کو براہِ راست مخاطب کرتے ہوئے دھمکی دی تھی کہ وہ تقریب کو فوری طور پر منسوخ کریں اور شام کے وزیرِ ثقافت سے اس اقدام پر معذرت کریں۔ کوہن نے اپنے پیغام میں جولانی سے یہ مطالبہ بھی کیا کہ وہ وزیرِ ثقافت محمد یاسین صالح کو برطرف کریں۔

کوہن کی دھمکی کے چند گھنٹے بعد اعلان کیا گیا کہ حلب کے ثقافتی مرکز میں طے شدہ طوفان الاقصی جشن کو ہال میں دوسری تقریب کے بہانے ملتوی کردیا گیا ہے۔

حلب کے محکمۂ ثقافت نے قبل ازیں عوام سے اس پروگرام میں بھرپور شرکت کی اپیل کی تھی، لیکن صورتحال بدلنے کے بعد اسے اچانک منسوخ کرنا پڑا۔