حزب اللہ کے دندان شکن جواپ پر صیہونی اعلیٰ افسران کا ردعمل

?️ 11 مئی 2024

سچ خبریں: مقبوضہ فلسطین کے شمالی علاقوں کے خلاف حزب اللہ کے حملوں میں شدت کو لے کر صیہونی ذرائع ابلاغ نے اس سلسلے میں تل ابیب کی کارکردگی کو تنقید کا نشانہ بنایا ہے۔

المیادین نیوز چینل کی رپورٹ کے مطابق صہیونی میڈیا نے مقبوضہ فلسطین کے شمال میں واقع مقبوضہ مارگلیوت علاقے کی کونسل کے سربراہ کے حوالے سے نقل کیا ہے کہ مقبوضہ شمالی بستیوں کو تباہ کیا جارہا ہے اور یہ مسئلہ کسی سے ڈھکا چھپا نہیں ہے۔

یہ بھی پڑھیں: حزب اللہ نے جنگ کے آغاز سے لے کر اب تک اسرائیل پرکتنے اینٹی آرمر میزائل داغے ہیں؟ صیہونی میڈیا کی زبانی

انہوں نے مزید کہا کہ یہ بستیاں اسرائیل کے شمال میں تنازعات کی لکیر بن چکی ہیں اور حزب اللہ کے ساتھ موجودہ جنگ کی وجہ سے تباہ ہو رہی ہیں۔

عبرانی میڈیا نے صیہونی حکومت کے اعلیٰ افسران کے حوالے سے خبر دی ہے کہ حزب اللہ کے حملوں نے شمالی محاذ میں غیر معمولی نقصانات پہنچائے ہیں جن کی وجہ سے اس علاقے میں اسرائیلیوں کی واپسی میں تاخیر ہو سکتی ہے۔

انہوں نے تاکید کی کہ ان حملوں کی شدت کی وجہ سے شمالی اسرائیل میں اسرائیلیوں کے واپس جانے کے لیے کوئی گھر نہیں بچے گا۔

صیہونی حکومت کے اعلیٰ افسران نے اعتراف کیا کہ حزب اللہ اسرائیل کے حملوں کا براہ راست جواب دیتی ہے اور شمالی علاقوں میں وسیع پیمانے پر نقصان پہنچاتی ہے۔

گزشتہ رات عرب میڈیا نے جنوبی لبنان سے آنے والے درجنوں راکٹوں کی وجہ سے مقبوضہ علاقے کریات شمعون میں بڑے پیمانے پر تباہی اور آگ لگنے کی اطلاع دی۔

مزید پڑھیں: اسرائیلی فوج میں تھکاوٹ کے آثارنمایاں : نصراللہ

صیہونی حکومت کے ذرائع ابلاغ نے اعتراف کیا ہے کہ چند گھنٹوں کے اندر جنوبی لبنان سے مقبوضہ فلسطین کے شمال میں واقاع کریات شمعونہ کے مقبوضہ علاقے پر 55 راکٹ داغے گئے۔