جہاد اسلامی فلسطین تنظیم کی فوج وونگ سرایا القدس ہائی الرٹ

?️ 14 اکتوبر 2021

سچ خبریں:فلسطینی جہاد اسلامی تحریک کے سکریٹری جنرل کے اعلان کے بعد اس تحریک کی عسکری شاخ نےاپنے ایک بیان میں فلسطینی قیدیوں کی حمایت میں ہائی الرٹ جاری کیے جانے کا اعلان کیا۔
جہاد اسلامی فلسطین کی عسکری شاخ سرایا القدس نے آج جمعرات کو ہائی الرٹ ہونے کا اعلان کیا،القدس نے ایک بیان میں کہا کہ اسے جہاد اسلامی تحریک کے سکریٹری جنرل زیاد النخالہ کی طرف سے فلسطینی قیدیوں پر ظلم و ستم کے حوالے سے ریمارکس موصول ہوئے ہیں۔

جہاد اسلامی تحریک کی عسکری شاخ نے مزید کہا کہ ہم اپنی افواج میں ہائی الرٹ جاری ہونے کا اعلان کر رہے ہیں نیز ہم پوری طرح سے تیارہیں اور اشارے کے منتظر ہیں۔

واضح رہے کہ یہ بیان جہاد اسلامی کے سکریٹری جنرل کے کل رات ایک بیان میں آنے کے بعد سامنے آیا ہےجس میں انھوں نے کہا کہ ہم اپنے بچوں کو صیہونی جیلوں میں نہیں تنہا نہیں چھوڑیں گے کہ وہ دشمن کا شکار ہوتےرہیں ،ہم ان کے شانہ بشانہ کھڑے ہوں گے اور جو کچھ ہمارے پاس ہے اس سے ان کی حمایت کریں گے ، چاہے ان کے دفاع کے لیے ہمیں جنگ میں جانا پڑے اور کوئی معاہدہ یا دیگر غور و فکر ہمیں ایسا کرنے سے نہیں روک سکے گا۔

واضح رہے کہ صہیونی حکومت کی جیلوں میں جہاد اسلامی کے قیدیوں کی بھوک ہڑتال منگل کی شام سے شروع ہوئی ہے جس کا مقصد صہیونی قیدیوں کے خلاف غیر قانونی اقدامات اور سزاؤں کو روکنا ہے۔

درایں اثنافلسطین کے جنگی قیدیوں کی نگراں کمیٹی (آئی سی آر سی) نے ایک بیان میں کہا ہے کہ صہیونی ملیشیا کے ہاتھوں جہاد اسلامی کے قیدیوں کو قید تنہائی میں رکھا جاتا ہے اور تشدد کا نشانہ بنایا جاتا ہے جس کی وجہ سے قیدیوں نے احتجاج کیا ہے اور وہ بھوک ہڑتال پر ہیں۔

قابل ذکر ہے کہ 6 ستمبر کو جلبوع ہائی سکیورٹی کی حامل صیہونی جیل سے چھ فلسطینی قیدیوں (جن میں سے کئی فلسطینی جہاد اسلامی تحریک کے رکن تھے) کے فرار اور اسرائیلی سکیورٹی اسٹیبلشمنٹ کے خلاف کریک ڈاؤن کے بعد ، اس حکومت نے فلسطینی قیدیوں خصوصا جہاد اسلامی کے قیدیوں پر بربریت اور تشدد کو تیز کر دیا ہے۔