جدہ ایئرپورٹ پر ایک زوردار دھماکے کی آواز سنائی دی

?️ 1 مئی 2021

سچ خبریں:سعودی ذرائع نے آج ہفتے کی صبح اس ملک کے شہر جدہ کے ایئر پورٹ کی فضا میں دھماکے کی آواز کے سنائی دیے جانے کے بعد جدہ ایئرپورٹ پر پروازیں معطل کرنے کا اعلان کیا۔
الخبر الیمنی نیوز ایجنسی کی رپورٹ کے مطابقسعودی ذرائع نے آج ہفتے کی صبح شہر جدہ کے ایئر پورٹ کی فضا میں زوردار دھماکے کی آواز سنائی دیے جانےکے بعد اس ایئرپورٹ پر پروازیں معطل کرنے کا اعلان کیا۔

ذرائع نے بتایا کہ سعودی حکام نے مغربی ساحلی شہر میں دھماکوں کی آوازیں سننے کے بعد جدہ بین الاقوامی ہوائی اڈے کو پروازوں کے لئے بند کردیا،تاہم سوشل میڈیا صارفین اور مقامی رہائشیوں کا کہنا ہے کہ انھیں زوردار دھماکےکی آواز آئی ہے جس کے بارے میں یقین ہے کہ یہ یمنی بیلسٹک میزائل یا ڈرون کے ذریعہ کیے جانے والے حملوں کی وجہ سے ہے۔

دریں اثنا سعودی عرب نے دعوی کیا ہے کہ اس کے فضائی دفاعی نظام نے جدہ کی فضا میں ایک ڈرون کومار گرایا ہے، سعودی وزارت دفاع نے اپنے ایک بیان میں کہا ہے کہ جدہ کی فضامیں ایک فضائی ہدف تباہ کردیا گیا ہے ،تاہم اس کے جواب میں سوشل میڈیا کارکنوں کا کہنا تھا کہ حملے کے وقت سعودی فضائی دفاعی نظام نے کوئی میزائل نہیں فائر کیا تھا۔

ذرائع نے شہر میں دو دھماکوں کی آواز اور اس کے بعد جدہ ایئر پورٹ سے تمام پروازوں کی معطلی کی نشاندہی جس کے بعد سوشل میڈیا صارفین نے سعودی فضائی دفاعی نظام کی ناکامی کو بے نقاب کردیا۔