تین عرب ممالک کے بحرانوں میں امریکہ کا ہاتھ؛ شامی رکن پارلیمنٹ کا انکشاف

?️ 9 اگست 2021

سچ خبریں:شامی رکن پارلیمنٹ نے پیر کے روز خطے کے تین عرب ممالک کے بحرانوں میں امریکہ کو ملوث قرار دیا۔
العہد نیوز چینل کی رپورٹ کے مطابق ، شام کے رکن پارلیمنٹ علی الصطوف نے پیر کے روز خطے کے تین عرب ممالک کے بحرانوں میں امریکہ کےملوث ہونے کی طرف اشارہ کرتے ہوئے کہا کہ عراق ، شام اور لبنان کو بحرانوں اور جنگوں کا سامنا ہے جس سے پیچھے امریکہ کا ہاتھ ہے۔

الصطوف نے اس بات پر زور دیا کہ خطے کے کچھ ممالک مزاحمت کے محور ممالک کے خلاف امریکی سازشوں میں اس کا ساتھ دیتے ، شامی پارلیمنٹ ممبر نے کہا کہ اس منصوبے کا بنیادی ہدف شام ، عراق ، لبنان اور مزاحمت کا پورا محور ہے۔

انہوں نے کہاکہ تمام مصائب ، بحران اور جنگیں جن کا خطے کو سامنا ہے وہ امریکی صہیونی اور خطے کے کچھ ممالک کی وجہ سے ہیں، لبنانی قلمکار اور سیاسی تجزیہ کار ہادی قبیسی اس سے قبل عراق سمیت خطے کے تین ممالک میں واشنگٹن اور امریکی فوج کی وسیع نقل و حرکت کا ذکر بھی کیاتھا۔

یادرہے کہ امریکہ عراق،شام اور لبنان میں کسی بھی صورت میں امن نہیں چاہتا ہے کیونکہ اگر ان ممالک میں سلامتی کی صورتحال اچھی ہوجائے گی تو امریکہ کی دکان بند ہوجائے گی ،اس کے پاس خطہ کے قدرتی ذخائر کو لوٹنے کا کوئی بہانہ نہیں رہ جائے گا اس کے علاوہ صیہونیوں کو حزب اللہ کے خوف نیند نہیں آئے گی جو خطہ میں امریکہ کے ہوتے ہوئے بھی اس تحریک کو اپنے لیے موت کا فرشتہ سمجھتے ہیں۔