تم الکیشن نہ ہی لڑو تو اچھا رہے گا؛بولٹن کا ٹرمپ کو مشورہ

?️ 10 جون 2023

سچ خبریں:ٹرمپ کی صدارت کے دوران امریکی قومی سلامتی کے مشیر نے ان کے خلاف وفاقی الزامات کا ڈھیر لگنے کی وجہ سے ان سے اپنی انتخابی مہم ختم کرنے کو کہا۔

ٹرمپ کے دور صدارت میں امریکی قومی سلامتی کے مشیر جان بولٹن نے ٹرمپ کے خلاف 37 وفاقی الزامات دائر ہونے کے بعد ان سے اپنی انتخابی مہم ختم کرنے کو کہا۔

امریکی میڈیا نے بتایا ہے کہ سابق امریکی صدر ڈونلڈ ٹرمپ کے خلاف جاری فرد جرم میں ان کے خلاف خفیہ دستاویزات رکھنے، انصاف کی راہ میں رکاوٹیں ڈالنے اور غلط بیانات دینے کے 37 الزامات عائد کیے گئے ہیں۔

بولٹن نے جمعہ کو ٹویٹ کیا کہ ٹرمپ کے خلاف مجرمانہ الزامات کا ڈھیر لگ رہا ہے اور اگر وہ واقعی ملکی مفادات کو اولیت دینے پر یقین رکھتے ہیں تو وہ قانون کو توڑنے کے بجائے اس کی بالا دستی برقرار رکھیں گے۔

دی ہل نیوز ایجنسی کے مطابق انہوں نے اس ٹویٹ میں لکھا کہ ڈونلڈ ٹرمپ کو صدارتی امیدوار کے طور پر فوری طور پر دستبردار ہونا چاہیے، ان کے ارد گرد مجرمانہ الزامات کا انبار لگا ہوا ہے۔

بولٹن نے کہا کہ اگر ٹرمپ واقعی امریکہ فرسٹ کی پالیسیوں کے نمائندے اور حامی ہیں تو وہ ان کی مسلسل خلاف ورزی کرنے کے بجائے قانون کی حکمرانی کی حمایت کریں گے۔ اور فوری طور پر پچھے ہٹ جائیں گے ۔

جنگ کے متلاشی امریکی سیاست دان بولٹن جو تقریباً ایک سال تک ٹرمپ کے قومی سلامتی کے مشیر رہے اور بش بیٹے کی انتظامیہ کے دوران اقوام متحدہ میں امریکی نمائندے رہے ہیں، نے اپنے سابق صدر کو بارہا تنقید کا نشانہ بنایا اور حال ہی میں سی این این کو بتایا کہ ٹرمپ نے امریکہ اور ریپبلکن پارٹی کو بہت نقصان پہنچایا ہے۔

یاد رہے کہ ٹرمپ کے خلاف فرد جرم جمعہ کو منظر عام پر لائی گئی جس میں ان پر جاسوسی ایکٹ کی خلاف ورزی کرتے ہوئے قومی دفاعی معلومات کو جان بوجھ کر اپنے پاس رکھنے کے 31 الزامات اور چھ دیگر الزامات عائد کیے گئے ہیں۔