برطانیہ کی یوکرینی شہریوں کو فوجی تربیت

?️ 5 ستمبر 2022

سچ خبریں:برطانیہ روس کا مقابلہ کرنے کے لیے یوکرینی شہریوں کو اپنے ملک کے متعدد علاقوں میں فوجی تربیت دے رہا ہے۔

برطانیہ نے دیگر مغربی ممالک کی شمولیت کے ساتھ روس کا مقابلہ کرنے کے لیے اب تک تقریباً 4700 یوکرینی شہریوں کو فوجی تربیت دی ہے۔

اسکائی نیوز ویب سائٹ نے اپنی ایک رپورٹ میں لکھا کہ تقریباً 4700 یوکرینی شہری گزشتہ جون کے آغاز سے انگلینڈ کے جنوب، جنوب مغرب اور جنوب مشرق میں واقع اڈوں میں فوجی تربیت حاصل کر رہے ہیں،اسکائی نیوز نیوز ویب سائٹ نے مزید لکھا کہ یہ فوجی تربیتی کورس تین سے پانچ ہفتوں تک جاری رہتے ہیں اور یہ تربیتیں انگلینڈ میں اور یوکرین کے اندر روسی میزائل حملوں کے خطرے سے دور ہوتی ہیں۔

رپورٹ کے مطابق کینیڈا، نیوزی لینڈ، سویڈن، ہالینڈ، ڈنمارک، فن لینڈ، ناروے اور لتھوانیا جیسے ممالک ان فوجی تربیت کے میدان میں برطانوی فریق کے ساتھ حصہ لیتے اور تعاون کرتے ہیں، یاد رہے کہ برطانوی وزیر دفاع بین والیس نے ان فوجی تربیتوں کے بارے میں کہا کہ ہمیں یوکرینیوں کے لیے ہر ممکن کوشش کرنی چاہیے تاکہ وہ روسی حملے کے خلاف اپنے ملک کا دفاع کر سکیں اور جب تک ضرورت پڑی تو ہم یہ کام جاری رکھیں گے۔

اسکائی نیوز نے مزید کہا کہ برطانوی وزیر دفاع نے چار مرتبہ یوکرینی شہریوں کے تربیتی مراکز کا دورہ کیا ہے۔