بحرین کے درجنوں سیاسی قیدی کورونا سے متاثر

?️ 16 جنوری 2022

سچ خبریں:بحرینی جیل انتظامیہ اور وزارت داخلہ کی لاپرواہی سے طویل قید کی سزا پانے والے بحرین کے درجنوں سیاسی قیدی تقریباً ایک ہفتہ قبل کورونا وائرس کا شکار ہو گئے۔

بحرینی ذرائع ابلاغ نے اس ملک کے کچھ قیدیوں کا حوالہ دیتے ہوئے کہا کہ طویل عرصے تک جیل کی سزاؤں والے سیاسی قیدیوں میں کورونا کی علامات پائی جارہی ہیں جیسے کہ بخار اور تھکاوٹ نیز جیل کا کلینک بیمارون سے بھرا ہوا ہے جبکہ ان میں سے کچھ کو دو دن یا اس سے زیادہ کے لیے قرنطینہ میں بھیج دیا گیا ۔

کچھ قیدیوں نے کہا کہ بڑھتی ہوئی درخواستوں کے باوجود جیل حکام اور کلینک والے ہمیں لوگوں کی بیماری کی اطلاع نہیں دیتے نیز جیل کلینک صرف بیمار قیدیوں کا فوری معائنہ کرتا ہے تاکہ قیدیوں کے اہل خانہ کو ان کے انفیکشن کے بارے میں مطلع نہ کیا جا سکے اور جیل کے اندر بیماری کے پھیلنے کی خبروں کو پھیلنے سے روکا جا سکے جبکہ وہ وزارت صحت کی طرف سے منظور شدہ جانچ نہیں کرتا ہے۔

ایک کارکن کا کہنا تھا کہ بحرینی وزارت داخلہ کی خبروں کو سنسر کرنا خطرناک ہے کیونکہ یہ متاثرہ قیدیوں کی باقاعدہ جانچ نہیں کرتی اور نہ ہی جانچ کے نتائج کا اعلان کرتی ہے نیز جو لوگ قرنطینہ میں جاتے ہیں ان کو اس دوران اپنے اہل خانہ تک رسائی سے روک دیا جاتا ہے جو نہایت ہی خطرناک ہے اس لیے اس طرح ہم بہت سارے قیدیوں کی موت دیکھ رہے ہیں جیسے حسین برکات کورونا میں مبتلا ہونے کے بعد انتقال کر گئے۔