بائیڈن نے دنیا کو بہت خطرناک بنا دیا ہے: امریکی میڈیا

?️ 27 ستمبر 2021

سچ خبریں:امریکی کانگریس سے وابستہ ایک ویب سائٹ نے امریکی صدر کے ملکی اور غیر ملکی اقدامات کو تنقید کا نشانہ بناتے ہوئے بتایا کہ جو بائیڈن نے دنیا کو بہت زیادہ خطرناک بنا دیا ہے۔
امریکی کانگریس کی ویب سائٹ ہل نے اپنی ایک رپورٹ میں امریکی صدر جو بائیڈن کے اقدامات کا ذکر کرتے ہوئے لکھا کہ بائیڈن دنیا کو ایک زیادہ خطرناک جگہ میں تبدیل کر رہے ہیں۔

رپورٹ میں کہا گیا کہ پچھلے ہفتے بائیڈن نے اقوام متحدہ کی جنرل اسمبلی میں اپنی پہلی تقریر کی جس میں انھوں نے اس بات کا اعادہ کیا کہ امریکہ واپس آگیا ہے اور یہ کہ امریکہ ایسا کرنے کا ارادہ رکھتا ہے،تاہم بدقسمتی سے موجودہ حقیقت اس سے بہت مختلف نظر آتی ہے۔

رپورٹ میں افغانستان سے امریکہ کی جلد بازی کا حوالہ دیتے ہوئے لکھا گیا ہے کہ بائیڈن نہ صرف امریکہ کے لیے کچھ کرنے میں ناکام رہے بلکہ دنیا کو ایک زیادہ خطرناک جگہ میں تبدیل کر رہے ہیں۔

ہل نے لکھا ہے اس وقت ، طالبان اور داعش خراسان (افغانستان میں داعش کی شاخ) افغانستان میں
مضبوطی حاصل کر رہے ہیں اور افغان شہریوں کو گرفتار کرکے ان پر تشددکررہے ہیں نیز انھیں قتل کر رہے ہیں جنہوں نے برسوں سے اس ملک میں امریکی فوجیوں کا ساتھ دیا ہے ۔

واضح رہے کہ بائیڈن حکومت نے بیان دیا طالبان ایک اسٹریٹجک پارٹنرکے طور پرامریکہ کے ساتھ ہیں ،تاہم امریکی ویب سائٹ نے لکھا کہ بدقسمتی سے اس ذلت کے نتائج افغانستان کی سرحدوں پر ختم نہیں ہوتےجبکہ دنیا دیکھ رہی ہے کہ ہم نے دنیا کی تاریخ کی سب سے بڑی فوجی قوت ہونے کے باوجود امریکیوں کو دشمن کی صفوں میں چھوڑ دیا ہے اور امریکی دشمن بائیڈن کی ناقابل تردید کمزوری کا فائدہ اٹھا رہے ہیں۔