ایک خاتون نے نیتن یاہو کو قتل کرنے کی کوشش کی

?️ 23 جولائی 2025

ایک خاتون نے نیتن یاہو کو قتل کرنے کی کوشش کی

، پولیس کا کہنا ہے کہ اس کارروائی میں اسرائیل کی داخلی انٹیلی جنس ایجنسی شاباک نے بھی بھرپور تعاون کیا۔ حکام کے مطابق، گرفتار کی جانے والی خاتون کا تعلق اسرائیل کے وسطی علاقے (فلسطین اشغالی) سے ہے اور وہ مبینہ طور پر نیتن یاہو کو ایک بم دھماکے کے ذریعے قتل کرنے کی منصوبہ بندی کر رہی تھی۔

اسرائیلی پولیس نے دعویٰ کیا ہے کہ انہوں نے ایک خاتون کو گرفتار کر کے اسرائیلی وزیر اعظم بنیامین نیتن یاہو کے خلاف قتل کی ایک مبینہ سازش کو ناکام بنا دیا ہے۔

بین الاقوامی ذرائع کے مطابق، پولیس کا کہنا ہے کہ اس کارروائی میں اسرائیل کی داخلی انٹیلی جنس ایجنسی شاباک نے بھی بھرپور تعاون کیا۔ حکام کے مطابق، گرفتار کی جانے والی خاتون کا تعلق اسرائیل کے وسطی علاقے (فلسطین اشغالی) سے ہے اور وہ مبینہ طور پر نیتن یاہو کو ایک بم دھماکے کے ذریعے قتل کرنے کی منصوبہ بندی کر رہی تھی۔

اسرائیلی ٹی وی چینلوں نے پولیس کے حوالے سے بتایا کہ شاباک اس خاتون سے تفتیش کر رہی ہے اور امکان ظاہر کیا جا رہا ہے کہ اس پر دہشت گردانہ کارروائی کی سازش کا الزام عائد کیا جائے گا۔

واضح رہے کہ یہ پہلا موقع نہیں ہے کہ اسرائیل میں کسی وزیر اعظم کو جان کا خطرہ لاحق ہوا ہو۔ اس سے قبل 1995 میں اسحاق رابین، جو کہ اسرائیل کے پانچویں وزیر اعظم تھے، ایک اسرائیلی شدت پسند نوجوان، ایگال امیر کے ہاتھوں قتل کر دیے گئے تھے۔ اس واقعے نے اسرائیلی سیاست اور سکیورٹی کے نظام میں زلزلہ پیدا کر دیا تھا۔