ایران کے ہاتھوں یونانی آئل ٹینکرز کو قبضے میں لینے کے پیغامات

?️ 2 جون 2022

سچ خبریں:عبدالباری عطوان کا کہنا ہے کہ نئے مرحلے میں ایران فوری اور براہ راست ردعمل کی حکمت عملی کے مطابق کام کرے گا نیز امریکہ، یورپ اور صیہونی حکومت تہران کے مفادات کے خلاف کسی بھی مشکوک اور جارحانہ اقدام کے نتائج سے بخوبی واقف ہیں۔
انٹر ریجنل اخباررائے الیوم اخبار کے چیف ایڈیٹر اور عرب دنیا کے ممتاز تجزیہ کار عبدالباری عطوان نے ایک نئے کالم میں اسلامی جمہوریہ ایران کی طرف سے سمندری خلاف ورزیوں کے جواب میں قبضے میں لیے گئے یونان کے دو تیل ٹینکروں کے معاملے پر گفتگو کی ہے۔

عطوان کا کہنا ہے کہ ایران کی سپاہ پاسداران انقلاب اسلامی کی بحریہ نے جمعے کی شام ایران کے ساحل کے قریب خلیج فارس کے پانیوں میں دو یونانی بحری جہازوں کو پکڑ لیا، جو دو اہم مسائل کی عکاسی کرتا ہے۔
1۔ اسلامی جمہوریہ ایران کا ان بحری جہازوں کا قبضہ یونان، امریکہ اور تمام یورپی ممالک کے لیے ایک مضبوط پیغام ہے جس کا مطلب یہ ہے کہ علاقائی یا بین الاقوامی پانیوں میں اور ایران کی سرزمین کے اندر یا باہر اس کے مفادات پر کسی قسم کی مداخلت کا براہ راست اور فوری جواب دیا جائے گا۔

2۔ دوسرا مسئلہ یہ ہے کہ ایران ، یورپی ممالک اور امریکہ کے درمیان ویانا میں ہونے والے جوہری مذاکرات رک گئے ہیں اور اس کا انجام معلوم نہیں ہے۔