ایران اور آبنائے ہرمز کے بارے میں ٹرمپ کے بار بار وہم اور جھوٹ

سچ خبریں: امریکہ کی دہشت گرد حکومت کے سربراہ ڈونلڈ ٹرمپ نے ایک مرتبہ پھر ایران اور آبنائے ہرمز سے متعلق متنازعہ بیانات دیتے ہوئے دعویٰ کیا ہے کہ سعودی عرب، متحدہ عرب امارات، قطر اور خود ایران! نے ان سے حملے منسوخ کرنے کی درخواست کی ہے۔

ٹرمپ نے اپنے معمول کے وہموں کا اظہار کرتے ہوئے مزید کہا کہ انہیں یقین ہے کہ آبنائے ہرمز کے حوالے سے کوئی معاہدہ طے پا جائے گا۔ انہوں نے یہ بھی دعویٰ کیا کہ امریکہ مذاکرات کے دائرے میں ایران سے بات کر رہا ہے اور یہ مذاکرات کل پیر کو شروع ہوں گے۔

ایران کے خلاف اپنی متضاد پالیسیوں اور بمباری کی دھمکیوں سے پچھتے ہوئے ٹرمپ نے کہا کہ کچھ لوگ چاہتے ہیں کہ وہ ایران پر بمباری کریں جبکہ دوسرا گروہ انہیں ایسا کرنے سے روکنا چاہتا ہے۔

ایک صحافی کے سوال پر کہ کیا ایران کو معاہدے کے لیے کوئی آخری مدت دی گئی ہے؟ ٹرمپ نے جواب دیا کہ دیکھتے ہیں، میں لوگوں کو تکلیف پہنچانے کی کوشش نہیں کر رہا۔

ٹرمپ نے ایران کے خلاف اپنی بے بنیاد دھمکیوں سے مزید پیچھے ہٹتے ہوئے کہا کہ انہوں نے سعودی ولی عہد سے پوچھا تھا کہ وہ کس اقدام کو ترجیح دیتے ہیں؟ جس پر سعودی ولی عہد نے حملے کی بجائے معاہدے کو ترجیح دی۔

ایک اور سوال کے جواب میں جب ان سے کویت اور بحرین سے امریکی فوجیوں کی واپسی کے بارے میں پوچھا گیا تو ٹرمپ نے اس سوال کا جواب دینے سے انکار کر دیا۔

امریکی صدر نے یہ بھی دعویٰ کیا کہ ایران کے جوہری پروگرام کے حوالے سے کوئی معاہدہ طے پا جائے گا۔ انہوں نے مزید جھوٹے دعوے کرتے ہوئے کہا کہ دوسری عالمی جنگ کے بعد ایران کے خلاف سب سے بڑا حملہ کرنے کا منصوبہ تھا۔

ٹرمپ نے اپنے بیانات کے آخر میں کہا کہ امریکہ ہر لمحہ ایران پر بمباری دوبارہ شروع کرنے کے لیے تیار ہے۔