ایرانی مسلح افواج کا شمار دنیا کی اعلیٰ ترین فوجی طاقتوں میں ہوتا ہے:گلوبل پاور

?️ 28 مئی 2023

سچ خبریں:ایک خصوصی فوجی ویب سائٹ نے اپنی تازہ ترین درجہ بندی میں ایران کی مسلح افواج کو دنیا کی اعلیٰ طاقتوں میں شامل کیا ہے۔

یاہو نیوزایجنسی کی رپورٹ کے مطابق گلوبل فائر پاورخصوصی فوجی ویب سائٹ نے اپنی تازہ ترین درجہ بندی میں ایران کی مسلح افواج کو دنیا کی اعلیٰ طاقتوں میں شامل کیا ہے۔

ویب سائٹ نے ہفتے کے روز لکھا ہے کہ اسلامی جمہوریہ ایران کی مسلح افواج کا شمار دنیا کی بڑی عسکری طاقتوں میں ہوتا ہے،اس ویب سائٹ نے 144 ممالک اور صیہونی فوج کا جائزہ لیا،اس درجہ بندی میں ہر ملک کے فوجی سازوسامان اور افواج کی مقدار کے ساتھ ساتھ مالی صورتحال، جغرافیہ اور دستیاب وسائل جیسے عوامل کو مدنظر رکھا جاتا ہے۔

گلوبل فائر نے اپنے جائزے میں ایران کو ٹینکوں کے بیڑے، میزائل اور راکٹ لانچروں کی طاقت نیز کل فعال فوجی قوت جیسے شعبوں میں سرفہرست 10 ممالک کی فہرست میں رکھا ہے،جائزے میں کہا گیا ہے کہ جنوری 2023 تک ایران کے پاس 4000 سے زیادہ ٹینک اور 1000 سے زیادہ راکٹ اور میزائل لانچر ہیں نیز 575000 افراد پر مشتمل اس ملک کے فعال فوجی اہلکار دنیا کی ساتویں بڑی فوجی قوت ہیں۔

اس خصوصی ویب سائٹ نے ایران کی مسلح افواج کو 2712 پوائنٹس دیے ہیں، اس درجہ بندی میں امریکہ، چین اور روس سب سے اوپر ہیں جبکہ ہندوستانی فوج بھی اس درجہ بندی میں چوتھے نمبر پر ہے،اس درجہ بندی میں سعودی فوج 22ویں اور صہیونی فوج 18ویں نمبر پر ہے جو ایران سے ایک درجہ نیچے ہے۔

صہیونی اخبار یروشلم پوسٹ نے بھی ایران کی فوجی کامیابیوں اور میزائل صلاحیتوں کا جائزہ لیتے ہوئے اپنی ایک رپورٹ میں تاکید کی ہے کہ ایرانی میزائل تل ابیب اور واشنگٹن کی سلامتی کے لیے ایک کثیر الجہتی خطرہ بن چکے ہیں۔