امریکی یہودیوں کا صیہونیوں کے خلاف مظاہرہ

?️ 28 مئی 2021

سچ خبریں:فلسطینی ذرائع نے بتایا کہ صہیونی حکومت کے فلسطینیوں کے خلاف اقدامات کی مذمت کرتے ہوئے امریکی آرتھوڈوکس یہودیوں نے نیو یارک کی سڑکوں پر احتجاج کیا۔
فلسطینی ذرائع کی رپورٹ کے مطابق امریکی آرتھوڈوکس یہودیوں نے صہیونی حکومت کے فلسطینیوں کے خلاف اقدامات کی مذمت کرتے ہوئے نیو یارک کی سڑکوں پر احتجاج کیا،درایں اثنا فلسطینی گروپوں نےبھی مغربی کنارے کے لوگوں خصوصا نابلس اور طولکرم کی عوام سے مطالبہ کیا کہ وہ صہیونی آباد کاری کےخلاف احتجاجی مظاہرہ کریں۔

العالم کے مطابق اس سلسلہ میں مغربی کنارے میں آج فلسطینی نوجوانوں اور اسرائیلی فوج کے مابین جھڑپیں دیکھنے کو ملیں،اسی دوران ، صیہونی حکومت کی افواج نے مقبوضہ بیت المقدس میں واقع حی الطور علاقہ میں فلسطینی نوجوانوں کی ایک بڑی تعداد کو گرفتار کیا۔

واضح رہے کہ غزہ میں جنگ بندی کے باوجود فلسطینیوں کے خلاف صیہونیوں کی بربریت رکی نہیں کبھی وہ مسجد الاقصی پر حملہ آور ہوتے ہوئے اس مقدس مقام کی تاہین کرتے نظر آتے ہیں تو کبھی فلسطینیوں کی زمینوں پرنئی صیہونی بستیوں کی تعمیر کی منظوری دیتے ہیں۔

یادرہے کہ قطر نے آج کہا کہ غزہ جنگ بندی فلسطینیوں کے خلاف صیہونی مظالم کو روکنے میں ناکام رہی ہے کیونکہ صیہونی اپنی ہٹ دھرمی سے باز نہیں آئے ہیں جبکہ صیہونیوں کے حلیف سمجھے جانے والی سعودی عرب نے صیہونیوں کے اشتعال انگیز پر تشویش کا اظہار کیا ہے اور کہا ہے کہ وہ صیہونیوں کے ہاتھوں فلسطینیوں کی زمینوں پر قبضہ کرنے کی پرزور مذمت کرتے ہیں اور اس سلسلہ میں اقوام متحدہ کی انسانی حقوق کی تنظیم سے مداخلت کرنے کی اپیل کی ہے۔