امریکی قومی ایمرجنسی میں مزید ایک سال کی توسیع

?️ 10 ستمبر 2022

سچ خبریں:امریکی صدر جوبائیڈن نے اعلان کیا کہ وہ اس ملک میں 11 ستمبر 2001 کے بعد نافذ ہونے والی قومی ایمرجنسی کو مزید ایک سال کے لیے بڑھا دیں گے۔

اسپوٹنک نیوز ایجنسی کے نامہ نگار کے مطابق امریکی صدر جو بائیڈن نے اس ملک کی کانگریس کو لکھے گئے خط میں لکھا کہ میں نے منسلک نوٹس فیڈرل رجسٹر کو بھیجا ہے اور کہا ہے کہ 11 ستمبر 2001 کے دہشت گردانہ حملوں سے متعلق اعلان 7463 کے تحت امریکہ میں نافذ کی جانے والی ہنگامی حالت میں ایک سال کی توسیع کی جائے گی۔

بائیڈن نے کہا کہ امریکہ کو دہشت گردی کا خطرہ اب بھی لاحق ہے اور واشنگٹن کو اس قومی ہنگامی حالت کو 14 ستمبر 2022 بدھ کے بعد بھی جاری رکھنے کی ضرورت ہے، یاد رہے کہ 11 ستمبر 2001 کے دہشت گردانہ حملوں کے بعد ریاستہائے متحدہ کے اس وقت کے صدر جارج ڈبلیو بش نے قومی ہنگامی حالت کا اعلان کیا تھا اور اس سال کے بعد سے ہر سال اس ملک کے صدور کی طرف سے اس ہنگامی حالت میں توسیع کی جاتی ہے جو اس سال بھی جوبائیڈن نے یہ کہہ کر کردی ہے کہ امریکہ کا لاحق دہشت گردی کا خطرہ ابھی بھی باقی ہے ۔