امریکہ یوکرینیوں کے عذاب کو طول دے رہا ہے:روس

?️ 4 مارچ 2023

سچ خبریں:امریکہ میں روس کے سفیر نے کہا کہ یوکرین کے لیے امریکی امداد سے یوکرین کے لوگوں کا عذاب طولانی ہو جائے گا۔

امریکہ میں روس کے سفیر اناتولی انتونوف نے جمعہ کو ایک تقریر میں برائنسک کے علاقے میں ہونے والے حملے کا ذمہ دار واشنگٹن کو قرار دیا، اپنی تقریر میں انہوں نے کہا کہ یوکرین امریکہ کی حمایت کی وجہ سے برائنسک کے علاقے میں دہشت گردانہ حملے جیسے غیر انسانی اقدامات کر رہا ہے۔

امریکہ میں تعینات روس کے سفیر نے ماسکو پر شکست مسلط کرنے کی امریکی کوششوں کی ناکامی کو بیان کرتے ہوئے کہا کہ یوکرین کے لیے امریکی امداد سے اس ملک کی عوام کے مصائب میں مزید اضافہ ہوگا۔

یاد رہے کہ جمعرات کو برائنسک کے مقامی حکام نے کہا کہ یوکرین کے ایک تخریبی گروپ نے روسی علاقے میں گھس کر دو لوگوں اور دو بچوں کو یرغمال بنایا اور ان میں سے دو کو سکیورٹی فورسز کے ساتھ جھڑپ کے بعد ہلاک کر دیا۔

روسی ایوان صدر کے ترجمان دیمتری پیسکوف نے بھی جمعہ کے روز اس ملک کی سرزمین پر یوکرینی باشندوں کی طرف سے دہشت گردانہ حملوں کی تکرار کو روکنے کے لیے ماسکو کے عزم کا اعلان کیا،کریملن میں ایک پریس کانفرنس کے دوران پیسکوف نے برائنسک کے علاقے میں دہشت گردانہ حملے کی تحقیقات کا حوالہ دیتے ہوئے کہا کہ ماسکو سرحد کے ذریعے روس میں یوکرینی دہشت گردوں کی بار بار دراندازی کو روکنے کے لیے اقدامات کرے گا۔

انہوں نے چیچنیا کے خودمختار علاقے کے سربراہ کے روس اور یوکرین کے درمیان سرحدی علاقے میں مارشل لا لگانے کے خیال کے بارے میں وضاحت کرتے ہوئے کہا کہ یہ روسی فیڈریشن کے صدر کا خصوصی حق ہے لیکن اب تک ایسا کوئی فیصلہ نہیں کیا گیا ہے۔