امریکہ یمن کے ساتھ کیوں لڑ رہا ہے؟ واشنگٹن پوسٹ کی زبانی

🗓️ 21 جنوری 2024

سچ خبریں: واشنگٹن پوسٹ نے امریکی حکومت کے ذرائع کے حوالے سے خبر دی ہے کہ یمنی افواج کے خلاف اس ملک کی فوجی کاروائیوں کی اقتصادی یا سیکورٹی وجوہات نہیں بلکہ نظریاتی وجوہات ہیں۔

رشیا ٹوڈے کی رپورٹ کے مطابق واشنگٹن پوسٹ اخبار نے امریکی حکومت کے ذرائع کے حوالے سے اپنی ایک رپورٹ میں لکھا ہے کہ امریکی صدر جو بائیڈن کے یمن کے خلاف فوجی کارروائیوں کا موجودہ دور شروع کرنے کے فیصلے کا اصل محرک نظریات ہیں نہ کہ معاشیات ۔

یہ بھی پڑھیں: یمن پر امریکی حملوں کا کیا نتیجہ ہوگا؟ امریکی تھنک ٹینک کی زبانی

اخبار کے مطابق، بائیڈن کا خیال ہے کہ امریکہ کو ایک ایسے ملک کے طور پر کام کرنا چاہیے جس کی دوسروں کو ضرورت ہو اور اس کی ایک مضبوط فوج ہو مختلف ممالک کو ایک مشترکہ مقصد کے گرد متحد کرنے کی صلاحیت رکھتی ہو۔

امریکی حکومت کے قریبی ذرائع نے نیویارک ٹائمز کو یہ بھی بتایا کہ حوثیوں کے خلاف آپریشن برسوں تک جاری نہیں رہے گا، اور یہ کہ امریکہ حوثیوں کو شکست دینے کی کوشش کر رہا ہے نیز مستقبل میں افغانستان یا عراق پر حملے کی طرح یمن پر کوئی جامع حملہ کرنے کی خواہش نہیں رکھتا۔

اس امریکی اخبار کی رپورٹ ایسے وقت میں ہے جب یمن کی سپریم پولیٹیکل کونسل کے رکن محمد علی الحوثی نے بحیرہ احمر کی عسکریت پسندی کے نتائج اور نہر سویز کو پہنچنے والے نقصان کا مکمل طور پر ذمہ دار امریکہ اور انگلینڈ کو ٹھہرایا ہے۔

انہوں نے اس بات پر زور دیا کہ یہ دونوں ممالک غزہ کے عوام کی نسل کشی اور خطے کو جنگ اور جرائم سے دوچار کرنے کے مکمل طور پر ذمہ دار ہیں۔

مزید پڑھیں: یمن کے بارے میں امریکہ دنیا کو کیسے دھوکہ دے رہا ہے؟

یمن کی نیشنل سالویشن گورنمنٹ کی وزارت خارجہ کے ایک ذریعے نے بھی بتایا ہے کہ اس وزارت کو بحیرہ احمر میں صہیونی دشمن کے بحری جہازوں کے خلاف کارروائیوں کے حوالے سے عرب اور دوست ممالک کی جانب سے مثبت ردعمل ملا ہے۔