امریکہ کے ہاتھوں جنرل سلیمانی کا قتل جنگی جرم تھا:چین

?️ 5 جنوری 2022

سچ خبریں:چینی وزارت خارجہ کے تجرجمان کا کہنا ہے کہ امریکہ نے جنرل سلیمانی کو قتل کر کے اقوام متحدہ کے چارٹر کے تحت بین الاقوامی قوانین کو پیروں تلے روندھ دیا ہے۔
چینی وزارت خارجہ کے ترجمان وانگ وین بِن نے منگل کے روزایک نیوز کانفرنس میں جنرل سلیمانی کی شہادت کی دوسری برسی کے حوالے سے پوچھے گئے سوال کے جواب میں یہ بات کہی کہا کہ جنرل قاسم سلیمانی کا قتل اس بات کی ایک اور مثال ہے کہ کس طرح امریکہ نے من مانی طور پر اقوام متحدہ کے چارٹر کے تحت بین الاقوامی تعلقات کے اصولوں کو پامال کیا ہے،یہ امریکہ کی طرف سے طاقت کے استعمال کے ذریعے کیے جانے والے جنگی جرائم میں سے ایک ہے۔

انہوں نے مزید کہا کہ امریکہ خود کو اس حد تک جانے کی اجازت دیتا ہے کہ بین الاقوامی قوانین کی خلاف ورزی کرتے ہوئے دہشت گردانہ کارروائیوں کے ذریعے ایک آزاد ملک کے فوجی سربراہ کو "جان بوجھ کر قتل” کر سکتا ہے، اور ساتھ ہی دنیا بھر میں لاکھوں بے گناہ شہریوں کو ہلاک کر دیتا ہے۔

انھوں نے مزید کہا کہ امریکہ نے ان تمام غیر قانونی اور وحشیانہ کارروائیوں کو دنیا بھر کے لوگوں کی نظروں سے اپنے مبینہ قانون پر مبنی بین الاقوامی نظام کی حکمرانی کے پردے کے پیچھے چھپا رکھا ہے جبکہ وہ آئے دن دنیا بھر کی آزاد اندیش عوام کی نظروں سے گرتا چلا جارہا ہے ،نہ اس کے وعدوں کا کوئی اعتبار رہ گیا ہے اور نہ ہی عمل کا۔