امریکہ کا اپنے شہریوں کو فوری طور پر یوکرائن چھوڑنے کا حکم

?️ 23 فروری 2022

سچ خبریں:امریکی محکمہ خارجہ نے اعلان کیا ہے کہ اس ملک کے صدر کے حکم پر یوکرائن میں باقی تمام امریکی سفارت کاروں کو جلد از جلد ملک چھوڑ دینا چاہیے۔
بلومبرگ نیوز نے باخبر ذرائع کے حوالے سے منگل کی صبح اپنی ایک رپورٹ میں لکھا کہ روس کی جانب سے مشرقی یوکرائن کے خودمختار علاقوں میں امن دستے بھیجنے کے فیصلے کے بعد امریکا کو اس ملک میں اپنے شہریوں کی موجودگی پر تشویش لاحق ہوگئی۔

امریکی محکمہ خارجہ نے اعلان کیا ہے کہ بائیڈن کے حکم پر یوکرائن میں باقی رہ جانے والے تمام امریکی سفارت کاروں کو جلد از جلد اس ملک کو چھوڑ دینا چاہیے،رپورٹ میں مزید آیا ہے کہ امریکہ یوکرائن میں اپنے سفارت خانے کے عملے کو سکیورٹی وجوہات کی بنا پر پولینڈ منتقل کر رہا ہے۔

رپورٹ میں کہا گیا ہے کہ بائیڈن حکومت نے یوکرائن میں محکمہ خارجہ کے تمام باقی ملازمین کو یہ ملک چھوڑنے کا حکم دیا ہے اور کہا ہے کہ اگر روس حملہ نہیں کرتا ہے تو امریکی سفارت کار پیرکے بعد یوکرین واپس آ سکتے ہیں۔

واضح رہے کہ پیر کی شام روسی صدر ولادیمیر پیوٹن نے ایک بیان میں ڈونیٹسک اور لوہانسک علاقوں کی یوکرائن سے علیحدگی کو تسلیم کرتے ہوئے کہاکہ ڈینباس کے علاقے کو روسی حکمرانی سے آزاد کر کے یوکرائن کے علاقوں میں منتقل کر دیا گیا جس کے بعد ہمیں مشرقی یوکرائن کے بارے میں سخت فیصلے کرنے ہوں گے۔