امریکہ میں اسلامو فوبیا عروج پر

?️ 29 دسمبر 2021

سچ خبریں:امریکہ میں ایک بار پھر اسلام دشمنی دیکھنے کو ملی جس میں اس ملک کی ریاست ایری زونا میں نامعلوم افراد نے ایک اسلامی مرکز پر حملہ کیا اور ایک شخص کو زدوکوب کیا۔
الجزیرہ چینل کی رپورٹ کے مطابق امریکی ریاست ایری زونا کے شہر توسان میں نامعلوم افراد نے ایک اسلامی مرکز پر حملہ کیا، توسان شہر کے پولیس آفیسر فرانک ماگوس نے اسلامی مرکز پر حملے کی جانب اشارہ کرتے ہوئے کہا کہ اسلامی مرکز میں داخل ہونے والے افراد کی اس گروہ کے ساتھ تصادم ہوا اور اس میں ایک شخص زخمی ہوا۔

توسان میں اسلامی مرکز نے ذرائع ابلاغ میں اس حملے کی تصاویر شیئر کرتے ہوئے ایک بیان جاری کیا جس میں کہا گیا ہے کہ اس قسم کے واقعات کی روک تھام اور اسلامی مرکز اور اموال کی حفاظت کیلئے سخت اقدامات کئے جائیں۔

اسلامی مرکز کونسل کے رکن سهیل نے کہا کہ یہ قابل مذمت ہے جبکہ اس شہر اس سے پہلےکبھی ایسا نہیں ہوا، انکا کہنا تھا کہ خادم مسجد کی آنکھ زخمی ہوچکی ہے اور ایک کھڑکی کو بھی سخت نقصان پہنچا ہے،یادرہے کہ گذشتہ چند مہینوں سے کئی امریکی شہروں میں متعدد اسلامی مراکز پر حملوں کے واقعات رونما ہوچکے ہیں۔

یادرہے کہ دسمبر کے وسط میں امریکی کانگریس میں قانون پاس ہوا کہ وزارت خارجہ میں اسلامو فوبیا سے مقابلے کے لیے ادارہ کھولا جائے،اگرچہ مسلمانوں نے اس اقدام کو تاریخی قرار دیا تاہم واشنگٹن اب تک اسلامو فوبیا کو کنٹرول کرنے میں ناکام رہا ہے۔

امریکہ کی اسلامی تعلقات کی کونسل نے اس واقعہ کی مذمت کرتے ہوئے اسلامی مرکز کی سکیورٹی سخت کرنے کا مطالبہ کیا۔