امریکہ روس کے بہانے چینی کمپنیوں پر پابندیاں لگانا بند کرے:چین

?️ 16 اپریل 2023

سچ خبریں:چین کی وزارت تجارت نے اعلان کیا ہے کہ ان کا ملک اپنی کمپنیوں کو امریکہ کی پابندیوں کے خلاف تحفظ فراہم کرے گا۔

اسپوٹنک نیوز ایجنسی کی رپورٹ کے مطابق چین کی وزارت تجارت نے اپنے ملک کی کمپنیوں کے خلاف امریکی پابندیوں پر تنقید کی،ہفتہ کو ایک بیان میں چین کی وزارت تجارت نے روس کے ساتھ تعلقات کے الزام میں چینی کمپنیوں کے خلاف امریکی پابندیوں کے خلاف احتجاج کرتے ہوئے امریکہ کے اقدامات کو بے بنیاد قرار دیا۔

چین کی وزارت تجارت کے بیان میں کہا گیا ہے کہ امریکہ نے حال ہی میں روس کے ساتھ تعلقات کی وجہ سے متعدد چینی کمپنیوں پر پابندیاں عائد کی ہیں، جبکہ امریکی اقدامات کی کوئی بین الاقوامی قانونی بنیاد نہیں ہے۔

چین کی وزارت تجارت کے بیان میں اس بات پر زور دیا گیا ہے کہ یہ پابندیاں یکطرفہ پابندیوں اور بیرونی دائرہ اختیار کے غلط استعمال کی واضح مثال ہیں جس سے کاروباری اداروں کے حقوق اور جائز مفادات کو شدید نقصان پہنچتا ہے نیز عالمی سپلائی کی سلامتی اور استحکام بھی متاثر ہوتا ہے جبکہ چین سختی سے ان اقدامات کے خلاف ہے۔

چین کی وزارت تجارت نے مزید کہا کہ امریکہ کو جلد از جلد اپنے غلط اقدامات کو درست کرنا چاہیے اور چینی کمپنیوں پر غیر معقول دباؤ ڈالنے سے گریز کرنا چاہیے،چین کی وزارت تجارت کے بیان میں کہا گیا ہے کہ بیجنگ اس ملک کی کمپنیوں کے حقوق اور جائز مفادات کا سختی سے تحفظ کرے گا۔