امریکہ اور چین کی جنگ دنیا کو تباہ کر دے گی:کسنجر

?️ 21 اگست 2022

سچ خبریں:سابق امریکی وزیر خارجہ نے ایک انٹرویو میں ایک بار پھر چین اور امریکہ کے درمیان کشیدگی میں اضافے کے خلاف خبردار کیا اور چین کی ترقی کی تیز رفتاری کی طرف اشارہ کرتے ہوئے زور دے کر کہا کہ ان دونوں ممالک کے درمیان جنگ پوری دنیا کی تباہی کا باعث بنے گی۔
امریکہ کے سابق وزیر خارجہ ہنری کسنجر نے سی این این چینل کو خصوصی انٹرویو دیتے ہوئے خبردار کیا ہے کہ امریکہ اور چین کے درمیان کشیدگی میں اضافہ فوجی تصادم کی طرف لے جائے گا جس کا نتیجہ دنیا کی تباہی کی صورت میں نکلے گا۔

کسنجر نے اس گفتگو میں دلیل دی کہ تاریخی نقطہ نظر سے چین کے لیے امریکہ کے دروازے کھولنا کوئی غلطی نہیں تھی،میرے خیال میں یہ تیس سالہ دور امریکہ کے لیے بھی مفید تھا،انہوں نے چین کی پیشرفت اور ترقی کی رفتار کا ذکر کرتے ہوئے کہا کہ چین نے اس سے کہیں زیادہ تیزی سے ترقی کی جو سب نے سوچا تھا اور شاید ہمیں اس بارے میں پہلے سوچنا چاہیے تھا کیونکہ اب چین دنیا کا دوسرا طاقتور ترین ملک ہے۔

سابق امریکی وزیر خارجہ نے مزید کہا کہ یہاں جو بنیادی اور اہم مسئلہ پیدا ہوتا ہے وہ یہ ہے کہ امریکہ کا خیال ہے کہ (چین کے ساتھ جنگ کی صورت میں) وہ جیت سکتا ہے، یہی خیال اور یقین ہمیں چین کے ساتھ ایک خاص تصادم کی طرف لے گیا، یہ خیال اوباما انتظامیہ کے اختتام یا ٹرمپ انتظامیہ کے آغاز میں واضح طور پر ظاہر ہوا تھا۔