امریکہ اور اس کے اتحادیوں کا فاشزم

?️ 9 ستمبر 2022

سچ خبریں:روس میں شام کے سفیر ریاض حداد نے بڑھتے ہوئے فاشسٹ نظریے کے خطرے کو یاد دلانے کی اہمیت پر زور دیتے ہوئے کہا کہ کچھ لوگ ان انسان دشمن تحریکوں کو زندہ کرنے اور مختلف ناموں سے فاشسٹ نظریہ کو ابھارنے کی کوشش کر رہے ہیں۔

شام کی سرکاری خبر رساں ایجنسی سانا کی رپورٹ کے مطابق، ماسکو میں منعقد ہونے والی بین الاقوامی فسطائیت مخالف کانفراس 2022 میں ایک تقریر میں شامی سفیر ریاض حداد نے کہا کہ فسطائیت کا ایک اور پہلو بھی ہے جس کی وجہ سے ہمیں شام میں بہت نقصان ہوا ہے اس لیے کہ یہ دہشت گردانہ تکفیری نظریہ ہے جس کو اپناتے ہوئے دہشت گرد گروہوں نے تباہی مچائی، بے گناہ لوگوں کو قتل کیا اور بچوں اور بوڑھوں کو ان کے گاؤں اور شہروں سے بے گھر کیا۔

شامی سفیر نے مزید کہا کہ شامی عوام کے عزم، فوج کی ہمت اور روسی فیڈریشن کی اپنے اتحادیوں اور دوستوں کی حمایت اور مدد سے ہم نے ان انتہا پسند گروہوں کو شکست دی،انہوں نے نشاندہی کی کہ شام میں روسی جوانوں کا خون نہ صرف شام یا روس کے دفاع کے لیے بہایا گیا بلکہ عظیم حب الوطنی کی جنگوں کی طرح پوری انسانیت اور انسانی تہذیب کے دفاع کے لیے بہایا گیا۔

حداد نے وضاحت کی کہ امریکہ اور اس کے مغربی اتحادیوں کی قیادت میں اس نسل پرستانہ نظریے کو دوبارہ پیش کرنے کی شیطانی قوتوں کی کوششیں ان سرحدوں پر ابھی رکی نہیں ہیں۔