امریکہ اسرائیل اور سمجھوتہ کرنے والے عربوں کے درمیان ملاقات کا خواہاں

?️ 26 دسمبر 2022

سچ خبریں:بعض امریکی ذرائع نے اطلاع دی ہے کہ واشنگٹن صیہونی حکومت اور اس کے ساتھ سمجھوتہ کرنے والے4 عرب ممالک کے وزرائے خارجہ کے درمیان ملاقات کرانے کی کوشش کر رہا ہے۔

فرانس 24 چینل کی رپورٹ کے مطابق امریکی حکومت نئے سال کے آغاز پر صیہونی حکومت اور سمجھوتہ کرنے والے عرب ممالک کے درمیان ملاقات کرانے کی کوشش کر رہی ہے۔

اس معاملے کے حوالے سے ایک امریکی عہدیدار نے کہا کہ صدر جو بائیڈن کی انتظامیہ 2023 کے اوائل میں صیہونی حکومت اور اس کے ساتھ سمجھوتہ کرنے والے4 عرب ممالک کے وزرائے خارجہ کے درمیان ملاقات کا اہتمام کرنے کی کوشش کر رہی ہے جس طرح وہ مارچ 2022 میں جنوبی فلسطین میں النقب کے علاقے میں ملے تھے جس میں صیہونی حکومت، مصر، متحدہ عرب امارات، بحرین، مراکش کے وزرائے خارجہ اور امریکی وزیر خارجہ انتھونی بلنکن نے شرکت کی۔

اس امریکی عہدیدار نےاپنا نام ظاہر نہ کرنے کی شرط پر مزید کہا کہ وہ معاہدے جن کی تعریف سابق امریکی صدر ڈونلڈ ٹرمپ نے کی تھی اور انہیں ایک تاریخی کامیابی قرار دیا تھا، وہ صیہونی حکومت کے موجودہ وزیراعظم بنجمن نیتن یاہو کے لیے بہت عزیز اور قیمتی ہیں،وہ اپنی نئی صدارت میں اس طرح کے مزید واقعات اور معاہدوں کے خواب دیکھ رہے ہیں۔