الشفاء ہسپتال صیہونیوں کے قبضے میں؛ قیدی ملے؟

?️ 18 مارچ 2024

سچ خبریں: فلسطینی مقامی ذرائع نے الشفاء ہسپتال پر صہیونی فوج کے مکمل کنٹرول کی خبر دی ہے۔

العربی چینل کے رپورٹر نے تاکید کی ہے کہ غاصب صیہونی فوج نے غزہ شہر کے الشفاء اسپتال پر مکمل قبضہ کرلیا ہے اور اس اسپتال پر حملے کے دوران اس حکومت کا ایک فوجی زخمی بھی ہوا ہے۔

یہ بھی پڑھیں: الشفاء اسپتال کی نئی کہانی؟

ادھر اسرائیلی فوج نے الشفاء ہسپتال کے اندر سے 80 فلسطینیوں کو گرفتار کرنے کا اعلان کیا ہے۔

صیہونی حکومت کے ٹی وی چینل 13 نے کہا ہے کہ الشفاء اسپتال پر بڑے حملے کے بعد فوج اپنے کسی قیدی کو اسپتال کے اندر نہیں ڈھونڈ سکی۔

مزید پڑھیں: اسپتال کی بجلی بند ہونے سے فلسطینی بچی شہید

الشفاء اسپتال کے بعض ذرائع نے بتایا کہ صیہونی فوج نے آج صبح سے اب تک اس اسپتال پر چالیس سے زائد بار بمباری کی ہے۔

اسپتال کے اندر صیہونی غاصبوں کی کھدائی کا عمل جاری ہے۔