الجزائر کا جھوٹی معلومات فراہم کرنے پر سعودی چینل کا لائسنس منسوخ 

🗓️ 1 اگست 2021

سچ خبریں:الجزائر کی سرکاری خبر رساں ایجنسی کی رپورٹ کے مطابق اس ملک کے حکام نے ہفتے کے روز غلط اور بے بنیاد معلومات فراہم کرنے کے الزام میں سعودی عرب کے العربیہ چینل کا لائسنس منسوخ کرنے کا فیصلہ کیا۔
الجزائر کی سرکاری خبر رساں ایجنسی نے اس ملک کی وزارت مواصلات کے حوالے سے بتایا کہ وزارت مواصلات نے آج ہفتہ کو الجزائر میں العربیہ ٹی وی چینل کو دی گئی اسناد کو منسوخ کرنے کا فیصلہ کیا ہے،وزارت نے مزید کہا کہ کریڈٹ کو منسوخ کرنے کا فیصلہ میڈیا میں پیشہ ورانہ اخلاقیات کے قوانین کی عدم تعمیل اور غلط معلومات اور میڈیا ہیرا پھیری کی فراہمی کی وجہ سےکیاگیا ہے۔

الجزائر کی وزارت مواصلات کی طرف سے جاری کردہ بیان میں سعودی چینل کی جانب سےپیش کیے گئے کسی خاص واقعے کا ذکر نہیں کیا گیا،یادرہے کہ العربیہ الجزائر میں بند ہونےوالادوسرا چینل ہے جسے فرانس 24 کے بعدبند کیا گیا ہے۔

واضح رہے کہ العربیہ متحدہ عرب امارات میں دبئی سے نشر ہونے والے سعودی میڈیا نیٹ ورک کا حصہ ہے،یہ چینل سیاسی فریق کے حق میں بغاوت پر اکسانے اور معاملات کو مسخ کرنے کے لیے بدنام ہے ، جو کہ اس چینل کی سیاست ہے۔