اسلاموفوبیا اور فلسطینیوں کے ساتھ امتیاز برتنے والوں کے خلاف کارروائی ہوگی:زہران ممدانی

 اسلاموفوبیا اور فلسطینیوں کے ساتھ امتیاز برتنے والوں کے خلاف کارروائی ہوگی:زہران ممدانی

نیویارک کے منتخب میئر زهران ممدانی نے وعدہ کیا ہے کہ وہ شہر میں ہر قسم کے نسلی تعصب، اسلاموفوبیا اور فلسطینیوں کے خلاف امتیازی سلوک کے خاتمے کے لیے کام کریں گے۔

ممدانی نے اپنی سوشل میڈیا پوسٹ میں بتایا کہ حالیہ دنوں میں ایک فلسطینی طالب علم مصطفی خربوش، جس کی ایک تصویر چفیہ کے ساتھ وائرل ہوئی تھی، کو غلط طور پر دسمبر کے اوائل میں ہونے والی ایک شوٹنگ کا ذمہ دار قرار دیا گیا۔ اس کے بعد خربوش کو جان سے مارنے کی دھمکیاں، اسلاموفوبیا اور فلسطینیوں کے خلاف تعصب کا سامنا کرنا پڑا۔

ممدانی نے کہا کہ وہ آج خربوش سے بات کر کے ان کی زندگی، تحقیق اور بین الاقوامی تعلقات و مردم شناسی میں دلچسپی کے بارے میں جان کر بہت متاثر ہوئے۔ خربوش نے اپنی گرمیوں کی تعطیلات کے تجربات اور مستقبل میں پی ایچ ڈی میں داخلے کے ارادے کے بارے میں بھی بات کی، اور ممکن ہو تو نیویارک واپس آنے کی خواہش ظاہر کی۔

ممدانی نے خربوش کو یقین دلایا کہ وہ نیویارک میں دوبارہ خوش آمدید کہنے کے لیے تیار ہیں اور اپنے عہدے کے دوران ہر نیویارکی، بشمول فلسطینی شہریوں، کے تحفظ اور حقوق کے لیے کھڑے ہوں گے۔

زهران ممدانی یکم جنوری ۲۰۲۶ سے نیویارک کے میئر کے طور پر اپنے فرائض سنبھالیں گے اور اس طرح وہ اس شہر کے پہلے مسلم میئر ہوں گے۔