اسرائیل کے حالات بہت خراب ہیں/ہم اندر سے ٹوٹ رہے ہیں:صیہونی سربراہ

?️ 16 مارچ 2023

سچ خبریں:صیہونی حکومت کے سربراہ نے ایک بار پھر اس ریاست میں اندرونی تنازعات کے بڑھنے کی وجہ سے اس کے خاتمے کے خلاف خبردار کیا۔

الجزیرہ چینل کی رپورٹ کے مطابق صیہونی حکومت کے صدر اسحاق ہرزوگ جنہوں نے حالیہ دنوں میں اس حکومت کے بحران کے حوالے سے اپنے الفاظ کو کئی بار دہرایا ہے، ایک بار پھر کہا کہ عدالتی اصلاحات کے حوالے سے اسرائیل میں موجودہ تنازعات ہمارے لیے خطرناک ہیں۔

انہوں نے مزید کہا کہ یہ اختلافات اسرائیل کے لیے خطرناک سفارتی، اقتصادی، سماجی اور سکیورٹی نتائج کا باعث بن سکتے ہیں، ہرزوگ نے اعتراف کیا کہ اسرائیل بہت ہی زیادہ خراب صورتحال میں ہے،اندرونی تنازعات ہمارے ٹکڑے ٹکڑے کر رہے ہیں۔

انھوں نے کہا کہ میں ان تنازعات کو ختم کرنے کے لیے کسی معاہدے تک پہنچنے کی پوری کوشش کروں گا، یاد رہے کہ چند روز قبل اسحاق ہرزوگ نے کہا تھا کہ اسرائیل کو ایک تاریخی بحران کا سامنا ہے جس کی وجہ سے اس ریاست کو اندر سے ٹوٹ پھوٹ کا خطرہ ہے۔

اس رپورٹ کے مطابق صیہونی حکومت کے صدر نے تاکید کی کہ ہم اسرائیل کے مشکل ترین لمحات میں جی رہے ہیں اور ہم سب اپنے دل کی گہرائیوں سے جانتے ہیں کہ یہ بحران ہمارے لیے اندرونی خطرہ ہے۔

ہرزوگ نے صہیونیوں کو مخاطب کرتے ہوئے کہا کہ میں عدالتی اصلاحات کے بارے میں احتجاج، تشویش اور خوف دیکھ رہا ہوں، اگر ہم کسی معاہدے کے ذریعے حل تک نہ پہنچ سکے تو یہ ہمیں ایک مشکلات کھڑی کر سکتا ہے۔