اسرائیل نے دنیا کے کئی ممالک الیکٹرانک آلات میں بم نصب کیا:موساد کے سابق سربراہ

اسرائیل نے دنیا کے کئی ممالک الیکٹرانک آلات میں بم نصب کیا:موساد کے سابق سربراہ

اسرائیل کے سابق جاسوسی سربراہ یوسی کوہن نے اعتراف کیا ہے کہ ان کا ملک دنیا کے متعدد ممالک کو فروخت کیے گئے الیکٹرانک آلات میں دھماکہ خیز مواد یا دیگر قسم کی مداخلت کر سکتا ہے۔ کوہن نے یہ بات حزب اللہ لبنان کے خلاف "پیجر آپریشن” کے حوالے سے ایک حالیہ انٹرویو میں کہی۔

انٹرویو میں، جب میزبان نے پوچھا کہ کس ملک کے آلات کے بارے میں بات ہو رہی ہے، تو کوہن نے جواب دیا: "جس بھی ملک کا آپ تصور کریں۔” کوہن کے مطابق یہ تکنیک 2002 سے 2004 کے دوران ایجاد کی گئی تھی اور اس کے تحت اسرائیل دنیا کے مختلف ممالک کو ایسے آلات فروخت کرتا رہا ہے۔

یاد رہے کہ 17 اور 18 ستمبر 2024 کو اسرائیل نے لبنان اور شام میں حزب اللہ کے ہزاروں پیجر اور سیکڑوں واکی ٹاکی دھماکوں کے ذریعے تباہ کیے، جس کے نتیجے میں کم از کم 42 افراد ہلاک اور 3000 سے زائد زخمی ہوئے، جن میں غیر فوجی شہری بھی شامل تھے۔

ایران نے اس حملے کو "اسرائیلی دہشت گردی” قرار دیا اور سابق وزارت خارجہ کے ترجمان ناصر کنعانی نے اسے "اسرائیلی حکومت کی جانب سے اجتماعی قتل” قرار دیا۔