اسرائیل نے بہت بڑی غلطی کردی:صیہونی تجزیہ کار

?️ 7 اگست 2022

سچ خبریں:صیہونی تجزیہ نگار گال برجر نے غرہ پر اس حکومت کے حملوں کا حوالہ دیتے ہوئے اس بات کی تصدیق کی کہ اس کے نتائج کی تمام تر ذمہ داری صیہونی حکومت کے وزیراعظم پر عائد ہوتی ہے۔
صہیونی تجزیہ نگار گال برجر نے اعتراف کیا کہ اس حکومت نے غزہ میں جہاد اسلامی کے اعلیٰ کمانڈروں میں سے ایک تیسیر الجعبری کو قتل کر کے ایک بڑی غلطی کی ہے، برجر نے اس بات پر زور دیا کہ اس بار صیہونی حکومت کی سب سے بڑی غلطی یہ تھی کہ اس نے صرف ایک مقصد کا انتخاب کیا ہے جبکہ جہاد اسلامی اور حماس اس غلطی فائدہ اٹھائیں گی اور خفیہ طور پر جو چاہیں گی کریں گی۔

انہوں نے مزید کہا کیا کہ اب تمام فلسطینی گروہ جہاد اسلامی جہاد کے نام پر صیہونی حکومت پر حملہ آور ہوں گے اور سب اس حکومت کے خلاف متحد ہو جائیں گے جبکہ اس صورتحال کا سبب صرف موجودہ صیہونی وزیراعظم یائر لاپڈ ہیں۔

یاد رہے کہ جمعہ کی شام اسرائیلی جنگی طیاروں نے غزہ کی پٹی کے علاقوں پر حملہ کیا، غزہ میں فلسطین کی وزارت صحت نے بھی اعلان کیا ہے کہ غزہ پر کل کے صیہونی حملوں میں شہید ہونے والوں کی تعداد 9 ہو گئی ہے، شہداء میں ایک پانچ سالہ بچی بھی شامل ہے جبکہ اس حملے میں زخمی ہونے والوں کی تعداد بھی بڑھ کر 55 ہو گئی ہے۔