آرامکو کو ایک اور جھٹکا

?️ 8 مارچ 2021

سچ خبریں:سعودی عرب نے اپنی سرزمین پر آرامکو تیل کمپنی اور دیگر حساس اہداف کے خلاف بڑے پیمانے پر فوجی کاروائیوں کی تصدیق کردی ہے۔
المسیرہ نیوز ایجنسی کی رپورٹ کے مطابق یمنی فوج کی جانب سے راس التنوره تیل بندرگاہ پر ارمکو کے صدر مقام کو نشانہ بنانے کے اعلان کے فورا بعد ہی سعودی وزارت دفاع نے اعتراف کیا کہ یمنی مسلح افواج نے اس ملک کے مشرقی علاقے میں واقع بندرگاہ میں موجود تیل کے ذخائر پر حملہ کیا ،سعودی وزارت نے سعودی عرب کے لئے عالمی تعاون کا مطالبہ کیا اور اس بات پر زور دیا کہ وہ "عالمی توانائی کی سلامتی” کے نام سے موسوم اقدامات کریں گے۔

یادرہے کہ یمنی فوج نے اتوار کی شب اعلان کیا تھا کہ انھوں نے سعودی عرب کے اندرحساس اہداف کے خلاف آٹھ بیلسٹک میزائلوں اور 14 جدید ڈرونوں کا استعمال کرتے ہوئے حملہ کیا گیا ہے ، بیان میں کہا گیا ہے کہ راس التنوره آئل پورٹ میں واقع ارمکو کے ہیڈکوارٹر پر بڑے پیمانے پر حملہ کیا گیا جس کو سعودی عرب اپنے تیل کی 90 فیصد پیداوار کو دنیا کو برآمد کرنے کے لئے استعمال کرتا ہے۔

یادرہے کہ اس حملے نے ظهران ، دمام ، جیزان اور العسیر میں بھی اہداف کو نشانہ بنایا، یمنی مسلح افواج کے بیان میں زور دیا گیا ہے کہ سعودی عرب کو مزید دردناک حملوں سے قبل یمن کے خلاف جارحیت روکنے اور محاصرے کو ختم کرنے کی ضرورت کو تسلیم کرنا چاہئے،ورنہ اس سے خطرناک حملے بھی ہوں گے جیسا کہ اس سے پہلے بھی ہوا ہے۔