سعودی حکام کی تارکین وطن مزدوروں کی روزی روٹی بند کرنے کی پالیسی

?️ 24 مارچ 2022

سچ خبریں:صنعا ریاض کے عزائم سے پوری طرح واقف ہے اور جانتا ہے کہ وہ یمنی عوام کے خلاف جنگ اور محاصرہ اور ان کا قتل عام کرنے کے نتائج کو قبول کرنے کی کوشش کر رہا ہے۔
یمن کی قومی سالویشن حکومت نے خلیج فارس تعاون کونسل کی جانب سے اس مارچ میں سعودی دارالحکومت میں یمن کے سلسلہ میں مذاکراتی کانفرنس کی درخواست کو مسترد کرتے ہوئے درست موقف اختیار کیا کیونکہ صنعا ریاض کے عزائم سے پوری طرح واقف ہے اور جانتا ہے کہ وہ یمنی عوام کے خلاف جنگ اور محاصرہ اور ان کا قتل عام کرنے کے نتائج کو قبول کرنے کی کوشش کر رہا ہے۔

صنعا کی جانب سے خلیج تعاون کونسل کی دعوت قبول کرنے سے انکار کی تصدیق اس وقت ہوئی جب میڈیا ذرائع نے انکشاف کیا کہ سعودی حکام نے سعودی عرب میں مقیم اساتذہ، طلباء اور مزدوروں سمیت تمام یمنیوں کو ملک بدر کر دیا ہے اور انہیں خبردار کیا ہے کہ وہ مکمل طور پر سعودی عرب چھوڑ دیں۔

دلچسپ بات یہ ہے کہ یہ خبر ایک ایسے وقت میں سامنے آئی ہے جب سعودی عرب میں سکیورٹی فورسز ایک نسل پرستانہ ہیش ٹیگ بنا رہی ہیں جس کا عنوان ہے "یمنیوں کی بے دخلی ایک سلامتی اور قومی مطالبہ ہے جو ایک ٹرینڈ بن گیا،سعودی عرب میں مقیم یمنیوں پر ٹارگٹڈ جبر کوئی پہلی بار نہیں ہورہا ہے بلکہ اس سے پہلے اگست 2021 میں، ریاض کے حکام نے جنوبی سعودی عرب میں یمنی مزدوروں کے معاہدوں کے ساتھ ساتھ اسپتالوں اور یونیورسٹیوں میں کام کرنے والے یمنی پروفیسروں اور ڈاکٹروں کے معاہدوں کی تجدید نہیں کی۔