3 پاکستانی فلمیں 16ویں شکاگو ساؤتھ ایشین فلم فیسٹیول میں مقابلے کے لیے منتخب

?️

کراچی: (سچ خبریں) پاکستان کی تین مختصر فلمیں اس سال کے 16ویں شکاگو ساؤتھ ایشین فلم فیسٹیول میں مقابلے کے لیے منتخب ہو گئی ہیں۔

پاکستانی فلم ساز 16ویں شکاگو ساؤتھ ایشین فلم فیسٹیول (سی ایس اے ایف ایف) میں دھوم مچانے کے لیے تیار ہیں، جہاں اس سال مقابلے کے لیے تین مختصر فلمیں منتخب کی گئی ہیں۔

فیسٹیول 14 سے 21 ستمبر کے درمیان منعقد ہوگا اور پاکستانی فلمیں 18 ستمبر کو شکاگو کے اے ایم سی ریور ایسٹ 21 تھیٹر میں دکھائی جائیں گی۔

یہ ایونٹ پہلی بار 2010 میں منعقد ہوا تھا اور تب سے اس نے ثقافتی اداروں، شہر کی حکومت، اور مقامی جنوبی ایشیائی کمیونٹی کی حمایت حاصل کر لی ہے۔

ایونٹ کے لیے پاکستان سے درج ذیل فلموں کا انتخاب کیا گیا ہے:

ڈونٹ بی لیٹ، مائرہ

فلم ’ڈونٹ بی لیٹ، مائرہ‘ ایک نوجوان لڑکی کی کہانی ہے جو اسکول سے گھر جانے والی وین چھوٹ جانے کے بعد لاہور اور زندگی کی جھلک پیش کرتی ہے، یہ 15 منٹ کی تھرلر فلم ایک حقیقی کہانی پر مبنی ہے اور دنیا بھر کے فلم فیسٹیولز میں کافی کامیاب رہی ہے، جن میں نیو جرسی کے برگن انٹرنیشنل فلم فیسٹیول، مونٹریال انٹرنیشنل فلم فیسٹیول، نیو یارک کے بگ ایپل فلم فیسٹیول، یو کے ایشین فلم فیسٹیول، ووڈ اسٹاک فلم فیسٹیول اور دیگر شامل ہیں، جہاں اس نے متعدد انعامات جیتے ہیں۔

فلم میں عنایہ عمر نے مرکزی کردار ادا کیا ہے، ندا احسن میرا کی ماں کے کردار میں جب کہ سمائرہ صغیر نے میرا کی ٹیچر کا کردار نبھایا ہے۔

فنکار (دی آرٹسٹ)

احسن منہاس کی فلم فنکار نے اپنے ہیرو سردار نبیل کو دہلی کے دادا صاحب پھالکے انٹرنیشنل فلم فیسٹیول (ڈی پی آئی ایف ایف) میں بہترین اداکار کا ایوارڈ دلایا۔

یہ فلم ایک نفسیاتی ڈراما ہے جو ایک ایسے آدمی کی کہانی بیان کرتی ہے جسے تین اعمال کرنے پر مجبور کیا جاتا ہے، ہر ایک عمل معاشرے کے کسی حصے کے دکھ کی عکاسی کرتا ہے، فنکار استحصال، طبقاتی فرق اور دکھ کی تجارتی شکل جیسے موضوعات کو سامنے لاتی ہے۔

ڈی پی آئی ایف ایف کے علاوہ یہ فلم ڈی سی ساوتھ ایشین فلم فیسٹیول اور کینیڈا کے انٹرنیشنل ساوتھ ایشین فلم فیسٹیول میں بھی منتخب ہوئی ہے۔

وقت کے ساتھ ساتھ (ٹائم آفٹر ٹائم)

تابش حبیب کی یہ فلم باپ بننے کے تجربے پر وقت کے مختلف لمحوں میں مبنی ذاتی تحقیق پیش کرتی ہے اور سی ایس اے ایف ایف میں اپنی پہلی پیشکش کر رہی ہے، ’وقت کے ساتھ ساتھ‘ ایک نوجوان باپ کی کہانی ہے جس کی بیٹی لاہور میں واقع گھر کے باغ میں کھیلتے ہوئے غائب ہو جاتی ہے، وہ اپنی بیٹی کو تلاش کرنے کے لیے وقت میں سفر کرتا ہے۔

حبیب کے مطابق یہ فلم اچھے والدین کے لیے خراج عقیدت ہے، جس میں ان کے اپنے والد بھی شامل ہیں، جنہیں انہوں نے یہ فلم وقف کی ہے۔

پاکستان کی 2022 کی آسکر انٹری ’جوئے لینڈ‘ کے مرکزی اداکار علی جونیجو اور رستی فاروق نے ’وقت کے ساتھ ساتھ‘ میں ماہا حسن اور حنا بیات کے ساتھ مرکزی کردار ادا کیا ہے۔

سی ایس اے ایف ایف میں پاکستان

پاکستان نے پچھلے سال بھی سی ایس اے ایف ایف میں نمایاں کارکردگی دکھائی تھی۔

’گنجال‘، ایک صحافی کی تحقیق پر مبنی کہانی جس میں بچوں کے محنت کش ایکٹوسٹ اقبال مسیح کے قتل کی کہانی دکھائی گئی، فیسٹیول کے بہترین فکشن فیچر آڈینس چوائس ایوارڈ میں دوسرے نمبر پر رہی اور ’سانگز آف دا صوفی‘ نے بہترین ڈاکیومنٹری آڈینس چوائس حاصل کی۔

اس فیسٹیول میں پاکستان نے پہلے ایڈیشن سے ہی شرکت شروع کی، جس میں تنقیدی تعریف حاصل کرنے والی فلم ’رام چند پاکستانی‘ شامل تھی، اس کے بعد کئی فلمیں، جیسے کمال خان کی کراچی بیسڈ ’لال کبوتر‘، مہرین جبار کی ’دوبارہ پھر سے‘ اور ارم پروین بلال کی ’وکھری‘، فیسٹیول کے ناظرین کے لیے دکھائی گئی ہیں۔

مشہور خبریں۔

سعودی عرب میں آج عالمی اقتصادی فورم کا خصوصی اجلاس، وزیراعظم بھی شرکت کریں گے

?️ 28 اپریل 2024اسلام آباد: (سچ خبریں) سعودی ولی عہد محمد بن سلمان کی زیر

تردید، پالیسی بیانات کےباوجود نیٹ میٹرنگ پالیسی سے متعلق غلط خبریں نشر کی جا رہی ہیں، وزیر توانائی

?️ 5 جون 2024اسلام آباد: (سچ خبریں) وفاقی وزیر توانی اویس لغاری نے اظہار تاسف

سعودی اتحاد یمنیوں میں تفرقہ پھیلانا چاہتا ہے:الحوثی

?️ 7 جنوری 2023سچ خبریں:یمن کی سپریم سیاسی کونسل کے رکن محمد علی الحوثی نے

صومالیہ کو 30 سال بعد سلامتی کونسل کا تحفہ

?️ 2 دسمبر 2023سچ خبریں: اقوام متحدہ کی سلامتی کونسل نے 30 سال سے زائد

اسرائیلی فوج کی فائرنگ سے ایک اور فلسطینی خاتون صحافی شہید

?️ 3 جون 2022سچ خبریں:صیہونی جیل سے آزاد ہونے والی ایک فلسطینی خاتون صحافی کو

سرکاری اداروں کی خدمات عوامی فلاح کی ضامن ہیں۔ سید مراد علی شاہ

?️ 23 جون 2025کراچی (سچ خبریں) وزیراعلی سندھ سید مراد علی شاہ نے کہا ہے

امریکی نامہ نگار ایسا کیا پوچھا کہ مودی سکتہ میں آگئے

?️ 29 جون 2023سچ خبریں: امریکن ایسوسی ایشن آف جرنلسٹس نے وال اسٹریٹ جرنل کی

امریکہ کچھ نہیں ہے، اس سے مت ڈرو: شہید نصراللہ 

?️ 20 فروری 2025سچ خبریں: شہید سید حسن نصر اللہ کے فرزند سید جواد نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے