پاکستانی اداکاراؤں پر حریم شاہ کی شدید  تنقید

?️ 6 جولائی 2021

کراچی (سچ خبریں)پاکستان کی متنازع ٹک ٹاک اسٹار اور نئی اُبھرتی ہوئی نوجوان اداکارہ حریم شاہ نے پاکستانی اداکاراؤں کو شدید تنقید کا نشانہ بناتے ہوئے ان  کے مغربی لباس پر سخت ردعمل کا اظہار کیا ہے۔ان کے علاوہ بھی کئی شخصیات نے اداکاراؤں کے نامناسب لباس پر سخت ردّعمل کا اظہار کیا ہے۔

حریم شاہ نے تُرکی سے اپنے تصدیق شدہ انسٹاگرام اکاؤنٹ پر ایک خصوصی ویڈیو پیغام جاری کیا ہے جس میں اُنہوں نے کہا کہ ’میں کسی پر نکتہ چینی نہیں کرنا چاہتی لیکن موجودہ صورتحال پر اپنا ردّعمل ضرور دینا چاہوں گی۔

ٹک ٹاک اسٹار نے کہا کہ ’کہا جاتا ہے کہ ٹک ٹاکرز بےحیائی پھیلا رہے ہیں اور ان کی وجہ سے نوجوان نسل خراب ہورہی ہے جبکہ یہ بالکل جھوٹ ہے۔‘اُنہوں نے کہا کہ ’ہماری پاکستانی اداکاراؤں کے لباس کو ہی دیکھ لیں، اُن کے لباس مختصر ہوتے جارہے ہیں جو معاشرے میں بےحیائی کا سبب بن رہے ہیں۔

حریم شاہ نے کہا کہ پاکستان اداکاراؤں کے لباس دیکھنے کے بعد وزیراعظم عمران خان کا بیان بالکل درست ثابت ہوگیا کیونکہ خواتین کے لباس جتنے مختصر ہوں گے مرد اُتنی ہی توجہ اُن پر مرکوز کریں گے۔

ٹک ٹاک اسٹار نے مزید کہا کہ ’فیشن کرنا سب کا حق ہے لیکن اُس فیشن کی ایک حد ہونی چاہیے۔واضح رہے کہ لاہور کے مقامی ہوٹل میں حال ہی میں ہونے والے ایوارڈز شو میں پاکستانی اداکارائیں مغربی طرز کے لباس کے انتخاب پر تنقید کی زد میں ہیں۔