نور مقدم کیس کے فیصلے کے بعد ماہرہ خان کا ٹوئٹ

?️ 25 فروری 2022

کراچی (سچ خبریں) نور مقدم کیس کے فیصلے ملک کی مختلف سماجی اور سیاسی شخصیات نے اپنے ردعمل کا اظہار کیا ہے تاہم پاکستان فلم و ٹی وی انڈسٹری کی صفِ اول کی اداکارہ ماہرہ خان نے نور مقدم قتل کیس کے مرکزی مجرم ظاہر جعفر کو سزائے موت کے بعد اللّہ تعالیٰ کا شکر ادا کیا ہے اور اپنے ٹویٹ میں کہا ہے کہ شکر اللہ انصاف غالب آگیا۔

تفصیلات کے مطابق نور مقدم قتل کیس کے عدالتی فیصلے پر ردعمل دیتے ہوئے ماہرہ خان نےکہا کہ الحمداللّہ! اس دنیا میں نور کے لیے انصاف ہوا ہے۔دوسری جانب اداکار عدنان صدیقی نے اپنے ٹوئٹ میں کہا کہ شکر اللّہ! انصاف غالب آگیا۔

ملک کی مختلف شخصیات نے بھی ردعمل کا اظہار کیا ہے ، عدنان صدیقی نے کہا کہ میرا دل نور کے گھر والوں کے لیے دھڑکتا ہے، امید ہے کہ اس فیصلے سے انہیں سکون ملے گا۔ واضح رہے کہ اسلام آباد کی ڈسٹرکٹ اینڈ سیشن کورٹ نے نور مقدم قتل کیس سے متعلق اہم  فیصلہ سناتے ہوئے مجرم ظاہر جعفر کو سزائے موت سنا دی ہے۔ عدالت نے مجرم ظاہر جعفر کے ملازم مالی جان محمد اور چوکیدار افتخار کو 10، 10 سال قید کی سزا سنائی۔