لتاجی کی جلد صحتیابی کیلئے دعا گوہوں: عمران عباس

?️ 11 جنوری 2022

کراچی (سچ خبریں) بھارتی گلوکارہ لتا منگیشکر بھی عالمی وبا کورونا وائرس کا شکار ہو گئی ہیں جس کی خبر  سننے کے بعد معروف پاکستانی اداکار عمران عباس، ان کی  جلد صحتیابی کے لیے دعاگو ہیں۔انہوں نے اپنی انسٹا اسٹوری پر لتا منگیشکر  کی ایک یادگار تصویر شیئر کی ہے جس پر لتاجی کی جانب سے عمران کو ملنے والا آٹو گراف بھی موجود ہے۔

تفصیلات کے مطابق عمران عباس نے اپنی انسٹا اسٹوری پر لتا منگیشکر کی ایک یادگار تصویر شیئر کی ہےجس پر لتا جی کی جانب سے عمران عباس کو ملنے والا آٹوگراف بھی موجود ہے۔اُنہوں نے اپنی انسٹااسٹوری میں لکھا کہ’وہ لتا جی کی جلد صحتیابی کے لیے دعاگو ہیں‘۔

خیال رہے کہ بھارتی گلوکارہ لتا منگیشکر بھی عالمی وبا کورونا وائرس کا شکار ہو گئی ہیں۔ بھارتی میڈیا کے مطابق لتا منگیشکر کا کورونا وائرس کا ٹیسٹ مثبت آگیا ہے، لتا منگیشکر میں کورونا وائرس کی معتدل علامات موجود ہیں اور وہ آئی سی یو میں داخل ہیں۔

میڈیا رپورٹس کے مطابق لتا منگیشکر کی طبیعت بہتر ہے، اُنہیں احتیاطی طور پر آئی سی یو میں رکھا گیا ہے۔واضح رہے کہ بالی ووڈ انڈسٹری میں روزانہ کی بنیاد پر فنکار کورونا وائرس کی نئی لہر کا شکار ہو رہے ہیں۔