علیزے شاہ کا زرنش خان کو تین سال پرانے بیان پر معافی نہ دینے کا اعلان

?️

کراچی: (سچ خبریں) اداکارہ علیزے شاہ نے اپنے خلاف دیے گئے نامناسب بیان پر اداکارہ زرنش خان کو معافی نہ دینے کا اعلان کردیا۔

علیزے شاہ نے حال ہی میں انسٹاگرام اسٹوریز میں زرنش خان کی جانب سے معافی مانگنے کا اسکرین شاٹ شیئر کیا گیا۔

زرنش خان نے علیزے شاہ سے فروری 2022 میں دیے گئے اپنے بیان پر معافی مانگی اور اعتراف کیا کہ انہوں نے جذبات میں آکر ان کے حوالے سے نامناسب بات کہی۔

زرنش خان نے علیزے شاہ کو بھیجے گئے معافی کے میسیج میں اپنے بیان کو احمقانہ بھی قرار دیا اور لکھا کہ انہیں اپنے الفاظ پر پچھتاوا ہے۔

انہوں نے مزید لکھا کہ وہ علیزے شاہ کی والدہ سے بھی معافی مانگنے کو تیار ہیں اور یہ کہ وہ عوامی سطح پر بھی معافی مانگیں گی۔

زرنش خان نے لکھا کہ وہ علیزے شاہ کی عزت کرتی ہیں اور انہیں اپنے بیان پر پچھتاوا ہے، اس لیے وہ ان سے معافی کی طلبگار ہیں۔

زرنش خان کی جانب سےمعافی مانگے جانے پر علیزے شاہ نے انہیں معافی نہ دینے کا اعلان کیا اور انہوں نے انہیں جواب بھیجا کہ اداکارہ کے بیان نے ان کا جو نقصان کیا تھا وہ کبھی ٹھیک نہیں ہو سکتا۔

علیزے شاہ نے واضح لکھا کہ وہ انہیں معاف نہیں کریں گی، ساتھ ہی لکھا کہ ان کی والدہ زرنش خان کی عزت کرتی تھیں، انہیں نوالے تک ڈالتی تھیں، انہوں نے ان سے کبھی بدتمیزی نہیں کی۔

علیزے شاہ نے مزید لکھا کہ ز رنش  خان کو ان کے خلاف غلط باتیں کرنے کے پیسے نہیں ملتے لیکن اس باوجود وہ ان کے خلاف غلط باتیں کرتی رہیں۔

یہ واضح نہیں ہے کہ ز رنش خان نے کب علیزے شاہ کو معافی کے لیے میسیج کیا تھا، تاہم علیزے شاہ نے حال ہی میں ان کے میسیج کا اسکرین شاٹ انسٹاگرام اسٹوری میں شیئر کیا تھا۔

دونوں اداکاراؤں کی جانب سے انسٹاگرام اسٹوریز میں معافی اور غلطی سے متعلق ایک دوسرے کو مینشن کیے بغیر دیگر پوسٹس بھی کی گئیں۔

خیال رہے کہ زرنش خان نے فروری 2022 میں وجاہت رؤف کے شو ’وائس اوور مین‘ میں ایک سوال کے جواب میں کہا تھا کہ اگر اداکارہ علیزے شاہ کے ساتھ کسی کا بدتمیزی کرنے کا مقابلہ ہو تو مقابلہ علیزے ہی جیتیں گی۔

مشہور خبریں۔

امریکی سینیٹر  کے صیہونیوں کی حمایت پر مبنی بیان پر عوامی ردعمل؛ سوشل میڈیا پر شدید غصہ

?️ 6 جون 2026سچ خبریں:امریکی سینیٹر لیندسی گراہم کے ایک ٹیلی ویژن انٹرویو کے بعد

ٹرمپ کی اوباما کے خلاف نژاد پرستانہ ویڈیو کے بعد امریکی سیاست میں ہلچل

?️ 7 فروری 2026ٹرمپ کی اوباما کے خلاف نژاد پرستانہ ویڈیو کے بعد امریکی سیاست

صیہونیوں کے ساتھ تعلقات معمول پر لانا ہارے ہوئے گھوڑے پر شرط لگانا کیوں ہے؟

?️ 21 اکتوبر 2023سچ خبریں: ممالک اور خطے کے عوام کی اکثریت کی مخالفت کو

پاکستان اور چین کی دوستی باہمی احترام اور تعاون کی ایک لازوال مثال ہے۔ صدر مملکت

?️ 13 ستمبر 2025اسلام آباد (سچ خبریں) صدر مملکت آصف علی زرداری نے کہا ہے

ایران اور امریکہ کے درمیان ابتدائی سمجھوتے پر 95 فیصد پیش رفت

?️ 25 مئی 2026 سچ خبریں:امریکی نیوز چینل فاکس نیوز نے اپنے ذرائع کے حوالے

یوکرینی فوج کو افرادی اور دفاعی میزائلوں کی شدید کمی کا سامنا؛ امریکہ کا اعتراف

?️ 14 اگست 2026سچ خبریں:امریکی انٹیلی جنس رپورٹ میں اعتراف کیا گیا ہے کہ یوکرینی

وزیراعظم کا شہریوں کو جھانسہ دیکر باہر بھجوانے والوں کے خلاف سخت کارروائی کا حکم

?️ 18 دسمبر 2024 اسلام آباد: (سچ خبریں) وزیراعظم شہباز شریف نے معصوم پاکستانیوں کو

صہیونی حکومتی فوج اور حریدی علما کے درمیان جھڑپیں

?️ 26 فروری 2026 سچ خبریں:فلسطین کی سما نیوز ایجنسی نے اطلاع دی ہے کہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے