?️
کراچی: (سچ خبریں) اداکار فیروز خان سے طلاق کے بعد گزشتہ ماہ دسمبر میں ماڈلنگ شروع کرنے والی سیدہ علیزہ سلطان نے فوری طور پر اداکاری کی دنیا میں قدم رکھنے کی خبروں کی تردید کردی۔
علیزہ سلطان نے 2018 میں اداکار فیروز خان سے شادی کی تھی اور انہیں دو بچے ہیں۔دونوں کے درمیان 2021 میں اختلافات پیدا ہوئے تھے اور ستمبر 2022 میں ان کے درمیان طلاق ہوگئی تھی۔
علیزہ فاطمہ سلطان کا تعلق شوبز خاندان سے نہیں ہے، تاہم اداکار سے شادی اور طلاق کے بعد وہ شوبز انڈسٹری کا بلواسطہ یا بلاواسطہ حصہ بن چکی ہیں اور گزشتہ ماہ دسمبر میں انہوں نے کلاتھنگ برانڈ کی تشہیری مہم میں حصہ لے کر ماڈلنگ بھی شروع کردی تھی۔
ان کی جانب سے ماڈلنگ شروع کیے جانے کے بعد سوشل میڈیا پر انہوں نے میک اپ مصنوعات کی تشہیر بھی کی تھی، جس کے بعد اب چہ مگوئیاں تھیں کہ وہ جلد اداکاری کرتی دکھائی دیں گی۔
تاہم انہوں نے فوری طور پر اداکاری کی دنیا میں قدم رکھنے کی خبروں کو مسترد کردیا۔ حال ہی میں علیزہ سلطان بچوں کو لے کر کراچی کی مقامی عدالت پہنچیں تھیں، جہاں انہوں نے بچوں کی ملاقات ان کے والد اداکار فیروز خان سے کروائی۔
عدالت میں پیشی کے دوران صحافیوں نے علیزہ سلطان سے اداکاری سے متعلق بھی سوالات کیے اور پوچھا کہ وہ کب اداکاری کرتی دکھائی دیں گی؟
صحافیوں کے سوالوں پر انہوں نے کوئی جواب دیے بغیر نفی میں سر ہلایا اور ان خبروں کو مسترد کیا کہ وہ جلد اداکاری کرنے والی ہیں۔
ان سے پوچھا گیا کہ ان سے متعلق خبریں ہیں کہ وہ جلد ڈراموں میں دکھائی دیں گی، کیا یہ باتیں درست ہیں؟
جس پر علیزہ فاطمہ نے نفی میں سر ہلا کر کسی طرح کی اداکاری کی خبروں کو مسترد کیا۔
جب ان سے پوچھا گیا کہ ان کے سابق شوہر فیروز خان نے انہیں بھی بدنام کرنے کا نوٹس بھیجا تھا جو سوشل میڈیا پر وائرل ہوگیا اور اس میں علیزہ سلطان کی ذاتی معلومات بھی تھیں تو اس پر وہ کوئی کارروائی کریں گی؟
مذکورہ سوال کے جواب میں بھی علیزہ سلطان نے کوئی جواب نہیں دیا اور مسکراتی ہوئی چلی گئیں۔
عدالت میں بچوں کو ان کے والد سے ملاقات کروانے کے دوران فیروز خان اور علیزہ سلطان کو نہ صرف ایک ہی کمرے میں دیکھا گیا بلکہ انہیں ایک دوسرے کے انتہائی قریب کھڑے ہوئے بھی دیکھا گیا، تاہم اس باوجود دونوں نے آپس میں کوئی بات نہیں کی۔
دونوں کے درمیان اس وقت کراچی کی فیملی کورٹ میں بچوں کی حوالگی اور ان کے اخراجات سے متعلق کیسز زیر سماعت ہیں۔


مشہور خبریں۔
نئی امریکی پابندیوں پر روس کا رد عمل
?️ 10 جولائی 2021سچ خبریں:واشنگٹن میں روسی سفارتخانے نے نئی امریکی پابندیوں کے جواب میں
جولائی
روسی اٹام: بوشهر ایٹمی پاور پلانٹ کی تکمیل منصوبہ بند سطح پر واپس آ جائے گی
?️ 19 مئی 2026سچ خبریں: روسی سرکاری کمپنی روس اٹام کے سربراہ نے کہا: ہمیں
مئی
سعودی اتحاد کے ہاتھوں تباہ ہونے والے یمنی تعلیمی مراکز کے اعداد وشمار
?️ 28 مارچ 2021سچ خبریں:یمنی عہدے داروں نے گذشتہ چھ برسوں میں سعودی اتحاد کے
مارچ
امریکہ کا قومی قرضہ 30 ٹریلین ڈالر سے زیادہ
?️ 3 فروری 2022سچ خبریں:امریکی محکمہ خزانہ کے اعدادوشمار بتاتے ہیں کہ کورونا وبا کے
فروری
ٹرمپ اور زیلنسکی کے درمیان زبانی جھگڑے کا ذمہ دار کون ہے؟
?️ 2 مارچ 2025سچ خبریں: انگلش تجزیہ کار الیگزینڈر مرکیورس کا خیال ہے کہ یوکرین کے
مارچ
عراقی انتخابات کے ابتدائی نتائج کا اعلان عنقریب؛ 41 فیصد ووٹنگ
?️ 11 اکتوبر 2021سچ خبریں:عراقی الیکشن کمیشن نے کہا ہے کہ اس ملک کےپارلیمانی انتخابات
اکتوبر
سپریم کورٹ، ہائیکورٹ ججز کو دھمکی آمیز خطوط ایک ہی جگہ سے موصول، تفتیش مختلف پہلوؤں سے جاری
?️ 4 اپریل 2024اسلام آباد: (سچ خبریں) سپریم کورٹ اور اسلام آباد ہائیکورٹ کے ججز
اپریل
امریکہ کی جانب سے صیہونی حکومت کو بھاری مقدار میں اسلحہ بھیجنے پر انصار اللہ کا ردعمل!
?️ 15 اپریل 2025 سچ خبریں:یمن کی انصار اللہ تحریک کے ایک اعلیٰ عہدیدار نے
اپریل