صنم ماروی کا تیسری شادی کا اعتراف

?️

کراچی: (سچ خبریں) گلوکارہ صنم ماروی نے اعتراف کیا ہے کہ وہ تیسری بار رشتہ ازدواج میں بندھ چکی ہیں اور وہ اپنی شادی شدہ زندگی سے بہت خوش ہیں۔

صنم ماروی حال ہی میں نیو ٹی وی کے پروگرام میں شریک ہوئیں، جہاں انہوں نے اپنی دوسری شادی ٹوٹنے سمیت گلوکاری پر کھل کر بات کی۔

پروگرام کے دوران انہوں نے تیسری بار رشتہ ازدواج میں بندھنے کی تصدیق بھی کی اور کہا کہ ان کے اہل خانہ نے ان کی شادی کروائی۔

صنم ماروی نے بتایا کہ ان کی دوسری شادی طلاق پر ختم ہونے کے بعد ان کے بچے بھی ان سے چھن گئے، ان کے تینوں بیٹے والد کے ہمراہ لاہور میں رہتے ہیں۔

انہوں نے یہ اعتراف بھی کیا کہ دوسری شادی ان کی وجہ سے ہی طلاق پر ختم ہوئی، وہ شوہر کے ساتھ مزید رہنا نہیں چاہتی تھیں۔

ان کے مطابق انہوں نے شادی کو چلانے اور کامیاب بنانے کی کوشش کی، تشدد بھی برداشت کیا لیکن آخر میں انہوں نے مجبور ہوکر شادی کو طلاق پر ختم کیا۔

گلوکارہ کا کہنا تھا کہ وہ شوہر کی مدد سے ہی کامیاب گلوکارہ بنی تھیں، انہوں نے ہی ان کی مدد کی اور انہیں گائوں سے شہر لے آئے۔

صنم ماروی نے بتایا کہ ان کے دوسرے شوہر ان کی خالہ کے بیٹے تھے، پہلے گائوں میں رہتے تھے، پھر انہیں گلوکاری میں لانے کے لیے وہ لاہور منتقل ہوئے۔

گلوکارہ نے یہ اعتراف بھی کیا کہ گلوکارہ بننے اور شہرت حاصل کرنے سے قبل بھی ان کے شوہر کی گرل فرینڈز ہوتی تھیں لیکن اس وقت وہ مجبور تھیں اور کوئی آپشن نہ ہونے کی وجہ سے وہ برداشت کر رہی تھیں۔

صنم ماروی کے مطابق شہرت ملنے، پیسہ آنے اور خود مختار بننے کے بعد انہوں ںے شوہر کے دوسری خواتین سے تعلقات برداشت نہیں کیے اور ان کا تشدد بھی برداشت نہیں کیا، اس وجہ سے انہوں نے ان سے خلع لی۔

انہوں نے بتایا کہ خلع کے بعد ان کے بچوں کی حوالگی کا کیس بھی کافی عرصے تک عدالت میں زیر سماعت رہا لیکن پھر انہوں نے بچوں کو پریشان نہ کرنے کی وجہ سے کیس سے دستبرداری اختیار کی۔

گلوکارہ کا کہنا تھا کہ اب ان کے تینوں بیٹے والد کے ساتھ لاہور میں رہتے ہیں جب کہ بیٹی ان کے ساتھ ہی رہتی ہیں۔

انہوں نے پروگرام کے دوران اعتراف کیا کہ کچھ عرصہ قبل انہوں نے شادی کرلی تھی اور اب وہ بہتر زندگی گزار رہی ہیں۔

صنم ماروی نے بتایا کہ ان کے شوہر کا نام خبیب ہے اور وہ انتہائی اچھے انسان ہیں، تاہم انہوں نے اس متعلق مزید معلومات نہیں بتائیں۔

گلوکارہ نے اگرچہ تیسری شادی کا اعتراف کیا لیکن انہوں نے یہ واضح نہیں کیا کہ ان کی تیسری شادی کو کتنا عرصہ ہوچکا ہے؟

خیال رہے کہ صنم ماروی کے پہلے شوہر آفتاب احمد کو 2009 میں سندھ کے دارالحکومت کراچی میں قتل کردیا گیا تھا۔

ان کے پہلے شوہر کو ایک ایسے وقت میں قتل کیا گیا تھا جب وہ پہلے بچے کی اُمید سے تھیں۔

صنم ماروی نے محض 18 سال کی عمر میں پہلی شادی کی تھی اور پہلے شوہر کے قتل کے چند سال بعد انہوں نے دوسری شادی، حامد خان سے کی، جن سے انہیں تین بیٹے ہیں جو اب والد کے ساتھ رہتے ہیں۔

مشہور خبریں۔

مغربی کنارے پر صیہونی حکومت کے بڑے حملے پر عرب لیگ کا ردعمل

?️ 30 اگست 2024سچ خبریں: عرب لیگ کے سیکریٹری جنرل احمد ابوالغیط نے ایک بیان جاری

کیا شمالی کوریا اپنا جوہری پروگرام ترک کرے گا؟

?️ 12 مارچ 2024سچ خبریں: امریکی انٹیلی جنس کمیونٹی نے اپنی سالانہ رپورٹ میں اس

کیا مزاحمتی تحریک پیچھے ہٹ سکتی ہے؟حماس کے لیڈر کا بیان

?️ 26 ستمبر 2024سچ خبریں: حماس کے سینئر رکن اسامہ حمدان نے کہا کہ ہم

امریکہ میں تاریخی قتلوں کے پوشیدہ اور آشکار راز؛ لنکن سے کینیڈی تک

?️ 6 فروری 2025سچ خبریں:امریکی تاریخ میں چار صدور – ابراہم لنکن، جیمز گارفیلڈ، ولیم

پیپلزپارٹی عوامی خدمت پر توجہ دے: فردوس عاشق

?️ 5 جون 2021لاہور(سچ خبریں) وزیر اعلیٰ پنجاب کی معاون خصوصی برائے اطلاعات فردوس عاشق

غزہ کی پٹی میں صہیونی آبادکاری کا صیہونی منصوبہ

?️ 17 دسمبر 2024سچ خبریں:صہیونی قابضین نےگزشتہ ایک سال سے غزہ کی پٹی میں خون

روس کا یورپی ممالک اور امریکہ کو انتباہ

?️ 14 مارچ 2022سچ خبریں:روس نے امریکہ اور پورپی ممالک کو انتباہ دیتے ہوئے کہا

بلوچستان بار کونسل، ہائیکورٹ بار ایسوسی ایشن نے بھی 26 ویں آئینی ترمیم سپریم کورٹ میں چیلنج کردی

?️ 28 اکتوبر 2024اسلام آباد: (سچ خبریں) حال ہی میں قومی اسمبلی اور سینیٹ سے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے