شاہ رخ کی نئی فلم جوان نے ایک دن میں کتنے ڈالر کمائے؟

?️ 12 ستمبر 2023

سچ خبریں: ساؤتھ انڈین فلموں کے مشہور ڈائریکٹر ایٹلی کی ہدایتکاری میں بننے والی شاہ رخ کی نئی فلم جوان ریلیز کے پہلے دن 75 کروڑ کا بزنس کرنے میں کامیاب ہو چکی ہے۔

فلم جوانکیلئے توقع کی جارہی ہے کہ فلم ریلیز کے پہلے چار دن 500 کروڑ کا بزنس کرکے نیا ریکارڈ قائم کرلے گی۔

یہ بھی پڑھیں: شاہ رخ خان کی مہنگی ترین فلم

شاہ رخ خان نے فلم جوانمیں دوہرا کردار ادا کیا ہے اور وہ فلم میں 7 مختلف روپ بدلتے نظر آئے ہیں لیکن کیا آپ جانتے ہیں اس دوہرے کردار کو نبھانے کیلئے شاہ رخ نے کتنا معاوضہ وصول کیا ہے۔

بھارتی میڈیا رپورٹ کے مطابق بالی وڈ میں انتہائی کم معاوضے سے اپنے کیریئر کا آغاز کرنے والے شاہ رخ خان آج سب سے زیادہ معاوضہ لینے والے بالی وڈ اداکاروں میں شامل ہیں، شاہ رخ کی ایک فلم کا معاوضہ اس وقت 50 سے 60 کروڑ بھارتی روپے ہے لیکن بتایا جارہا ہے کہ فلم جوان کی ریکارڈ توڑ کامیابی دیکھتے ہوئے شاہ رخ نے دگنا معاوضہ وصول کیا ہے جو 100 کروڑ بھارتی روپے بنتا ہے۔

مزید پڑھیں: بھارتی اداکارہ کا شاہ رخ خان کے بارے میں اہم انکشاف

دیپیکا پڈوکون جو کہ اپنی فلموں کا معاوضہ 15 سے 30 کروڑ لیتی ہیں ان کی جانب سے فلم جوان کیلئے کتنا معاوضہ وصول کیا گیا یہ واضح معلوم نہیں ہو سکا۔

واضح رہے کہ شاہ رخ خان کی تھرل اور ایکشن سے بھرپور فلم جوان گزشتہ روز 7 ستمبر کو بھارت سمیت دنیا بھر میں ریلیز کی گئی ہے اور شائقین کی جانب سے شاہ رخ خان کی ایکشن تھرلر فلم کو بہت پسند کیا جا رہا ہے۔