زرنیش خان دوسروں کے معاملات میں ٹانگ اڑاتی ہیں، مائرہ خان

?️

کراچی: (سچ خبریں) اداکارہ مائرہ خان نے کہا ہے کہ اداکارہ زرنیش خان دوسری شوبز شخصیات کے معاملات میں ٹانگ اڑاتی ہیں جب کہ وہ خود بھی شوبز انڈسٹری کا حصہ ہیں۔

اداکارہ نے حال ہی میں اداکار نعیم الحق کے ہمراہ ایکسپریس ٹی وی کے دی ٹاک ٹاک شو میں شرکت کی، جہاں انہوں نے مختلف معاملات پر بات کرنے کے علاوہ شوٹنگ کے دوران اپنے ساتھ ہونے والے واقعات کا ذکر کیا اور بتایا کہ دونوں بار انہیں ایسا لگا جیسے وہ کچھ ہی دیر میں مرنے والی ہیں یا مر چکی ہیں۔

مائرہ خان نے انکشاف کیا کہ فلموں کی شوٹنگ کے دوران ان کے ساتھ دو ایسے واقعات ہوچکے ہیں، جن کے دوران انہیں لگا کہ وہ شاید مر جائیں گی لیکن وہ دونوں بار خوش قسمتی سے موت کے منہ سے واپس آئی ہیں۔

اداکارہ نے بتایا کہ ایک بار وہ خیبرپختونخوا (کے پی) کے علاقے سوات میں کسی فلم کی شوٹنگ کر رہی تھیں کہ اچانک انہیں ایک زہریلے بچھو نے کاٹ لیا۔

انہوں نے بتایا کہ پہاڑوں کے درمیان وہ ریپ کا منظر شوٹ کروا رہی تھیں، جس میں دکھایا جا رہا تھا کہ طالبان ایک لڑکی کا ریپ کر رہے ہیں، اسی دوران انہیں ایک بچھو نے کاٹ لیا۔

مائرہ خان کے مطابق انہیں فوری احساس ہوا کہ ان کی ٹانگ کو کسی چیز نے کاٹ لیا ہے اور بعد ازاں انہیں ہسپتال منتقل کیا گیا، جہاں معلوم ہوا کہ انہیں زہریلے بچھو نے کاٹ لیا۔

اداکارہ نے بتایا کہ وہ بچھو کے کاٹنے کے بعد بے حال ہوگئی تھیں اور انہیں ایسا لگا کہ شاید وہ مرچکی ہیں یا مرنے والی ہیں۔

ان کے مطابق بچھو کاٹنے کے بعد ڈاکٹرز نے انہیں کچھ دن تک آرام کرنے کا مشورہ دیا اور وہ یوں پہلی بار موت کے منہ سے واپس آئیں۔

اداکارہ نے اسی حوالے سے بات کو جاری رکھتے ہوئے کہا کہ ایک بار وہ سینیئر اداکار فردوس جمال کے ہمراہ شوٹنگ سے واپس آ رہی تھیں کہ اسلام آباد کے قریب ان کی گاڑی کا بریک فیل ہوگیا اوران کے ڈرائیور نے گاڑی کو بچانے کے لیے اسے پہاڑ پر چڑھا دیا۔

انہوں نے بتایا کہ ان کے ڈرائیور کے پاس صرف دو آپشن تھے یا تو وہ گاڑی کو نیچے کھاہی میں گرا دیتے یا پھر وہ اسے پہاڑوں پر چڑھا دیتے، اس لیے انہوں نے اسے پہاڑوں پر چڑھانا بہتر سمجھا۔

مائرہ خان کے مطابق جب ان کی گاڑی پہاڑ پر بہت اونچائی تک گئی تو وہ وہاں الٹ گئی اور عین پہاڑ کے نیچے پلٹتے ہوئے کھائی کے قریب آکر رک گئی جبکہ گاڑی میں موجود تمام افراد زخمی ہوگئے۔

اداکارہ کا کہنا تھا کہ گاڑی الٹنے کی وجہ سے وہ بے ہوش ہوگئی تھیں اور جب گاڑی کھائی کے قریب آکر رک گئی تو انہیں دور سے ایک روشنی دکھائی دی، جسے انہوں نے جنت کی روشنی مان لیا تھا۔

مائرہ خان نے بتایا کہ مذکورہ واقعے کے بعد وہ دوسری مرتبہ موت کے منہ سے واپس آئیں اور انہوں نے خدا کا شکر ادا کیا۔

پروگرام کے ایک سیگمنٹ میں بات کرتے ہوئے مائرہ خان نے اداکارہ زرنیش خان سے متعلق سوال پر جواب دیا کہ وہ انہیں نہیں جانتیں کہ وہ کون ہیں؟

بعد ازاں میزبان کے اصرار پر انہیں زرنیش خان کے رویے پر بات کرتے ہوئے کہا کہ اداکارہ کو دیگر شوبز شخصیات پر تنقید کرنے کا بہت شوق ہے، حالانکہ وہ خود بھی اسی شوبز انڈسٹری تعلق رکھتی ہیں۔

مائرہ خان نے شکوہ کیا کہ ان کی ایک چیز وائرل ہوئی تھی، جس پر زرنیش خان نے بیچ میں ٹانگ اڑائی، حالانکہ ان کا کوئی کام نہیں تھا۔

زرنیش خان نے ستمبر 2021 میں مائرہ خان کی ایک ویڈیو پر رد عمل دیتے ہوئے اداکارہ پر تنقید کی تھی کہ اداکارہ کی جانب سے ویڈیو میں کہے گئے الفاظ ’پینڈو اور برگر ازم‘ کا استعمال غلط ہے، اس سے طبقاتی تفریق ظاہر ہوتی ہے۔

وائرل ویڈیو میں اداکارہ مائرہ خان کار کے اندر بیٹھ کر ’ڈیفنس ہاؤسنگ اتھارٹی‘ (ڈی ایچ اے) میں ’پینڈو‘ لوگوں کے داخل ہونے پر برہم دکھائی دی تھیں۔

ویڈیو میں دیکھا جاسکتا تھا کہ اداکارہ نے کہا کہ ’پینڈو‘ لوگ ڈیفینس میں نئے نئے منتقل ہونے کے بعد برگر لوگوں کو دیکھ کر ان کی نقل کرنا شروع کردیتے ہیں اور کوشش کرتے ہیں کہ وہ اسی ’جم‘ میں ایکسر سائز کرنے جائیں جہاں برگر لوگ جاتے ہیں۔

اداکارہ نے ویڈیو میں مزید کہا تھا کہ ایسے لوگ اپنی جسامت کو دیکھے بغیر برگر لوگوں کی طرح اسپورٹس ڈریس پہننا شروع کردیتے ہیں اور برگر لوگوں کو گھورتے رہتے ہیں۔

مشہور خبریں۔

دہشتگردی کے پے درپے واقعات: اپیکس کمیٹی کا اجلاس آئندہ ہفتے طلب

?️ 15 نومبر 2024اسلام آباد: (سچ خبریں) وزیر اعظم شہباز شریف نے بلوچستان اور خیبر

یوکرین کی شکست میں کون سے ممالک شریک ہیں؟

?️ 30 جنوری 2024سچ خبریں: روس کے خلاف یوکرین کی شکست کا تاریخی عمل اجتماعی

پی ٹی آئی کا ہائیکورٹ ججز کے خط کے معاملے پر اوپن کورٹ سماعت کا مطالبہ

?️ 27 مارچ 2024اسلام آباد: (سچ خبریں) پی ٹی آئی نے اسلام آباد ہائیکورٹ کے

فزکس کا نوبیل انعام امریکی و کینیڈین سائنس دانوں کے نام

?️ 9 اکتوبر 2024سچ خبریں: سوئیڈن کی رائل اکیڈمی آف سائنسز نے 2024 کا فزکس

صیہونیوں سے دوستی میں بہت فائدہ ہے:سعودی عرب

?️ 26 مئی 2022سچ خبریں:سعودی وزیر خارجہ نے کہا کہ صیہونی حکومت کے ساتھ عرب

پی آئی اے کا قبل از وقت ریٹائر ہونے والے ملازمین کے حق میں اہم اعلان

?️ 19 فروری 2021کراچی(سچ خبریں) پاکستان انٹرنیشنل ایئرلائنز نے قبل از وقت ریٹائر ہونے والے

یمن کی تیل کی آمدنی ملازمین کی تنخواہوں کی ادائیگی کے لیے کافی ہے: صنعاء

?️ 24 اگست 2022سچ خبریں:    یمن کی سپریم سیاسی کونسل نے اس ملک کے

یوکرین کا تازہ ترین آپریشن؛ روسی فضائیہ کو 7 ارب ڈالر کا نقصان، مذاکرات پر اثرات

?️ 3 جون 2025 سچ خبریں:یوکرین نے "مکڑی کا جال” نامی خفیہ ڈرون آپریشن میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے