حریم شاہ کا اپنے متعلق غیرمصدقہ خبریں پھیلانے والوں پر برہمی کا اظہار

?️ 2 جولائی 2021

کراچی (سچ خبریں) پاکستان کی متنازع ٹک ٹاک اسٹار اور اداکارہ حریم شاہ نے اپنے متعلق غیر مصدقہ خبریں  پھیلانے والوں پر برہمی کااظہار کرتے ہوئے کہا ہے کہ میرے متعلق پھیلائی جانے والی باتیں من گھرٹ ہیں، لوگوں کو اپنی اوقات میں رہنا چاہئے اور ایسی ویسی خبریں پھیلانے سے پہلے تصدیق کرنا چاہئے۔

انہوں نے اپنی حالیہ انسٹاگرام پوسٹ میں اپنے برائیڈل شُوٹ کے معاوضے کو سامنے لانے کے معاملے پر ناراض ہوگئیں۔انہوں نے کہا کہ میرے متعلق پھیلائی جانے والی باتیں کہ میں نے ایک شُوٹ کے اتنے پیسے لیے ہیں تو یہ باتیں صرف سستی پروموشن کا ایک ذریعہ ہیں اور من گھڑت ہیں۔

انہوں نے کہا کہ اگر کوئی آپ کو عزت دے رہا ہے تو لوگوں کو بھی اوقات میں اور اپنے دائرے میں رہنا چاہیے۔حریم شاہ نے یہ اپنے متعلق غلط خبریں پھیلانے والوں کو ایسی ویسی خبریں پھیلانے سے پہلے تصدیق کرنے کا مشورہ بھی دیا۔

واضح رہے کہ ٹک ٹاکر حریم شاہ ایک بار پھر خبروں کی زینت بنی ہوئی ہیں، انہوں نے حال ہی میں اپنی شادی کی تصدیق کرتے ہوئے کہا تھا کہ اُن کے شوہر پیپلز پارٹی کے رکن سندھ اسمبلی اور جانی مانی شخصیت ہیں۔حریم شاہ نے جس رکن اسمبلی سے شادی کی اس کا نام تو تاحال نہیں بتایا ہے۔ ان کا کہنا ہے کہ وہ جلد اپنے شوہر کا نام ظاہر کردیں گی۔