حبا بخاری کی ’بے بی بمپ‘ کی ویڈیو وائرل

?️

کراچی: (سچ خبریں) اداکارہ حبا بخاری کی ’بے بی بمپ‘ کی ویڈیو سوشل میڈیا پر وائرل ہونے کے بعد مداحوں نے نادیہ خان کے دعووں کو سچ مان لیا۔

سوشل میڈیا پر وائرل ہونے والی مختصر ویڈیو میں حبا بخاری کو شوہر آرز احمد کے ہمراہ برطانوی دارالحکومت لندن میں دیکھا جا سکتا ہے۔

حبا بخاری اور ان کے شوہر سمیت متعدد پاکستانی فنکار ’ہم اسٹائل ایوارڈز‘ کے لیے لندن میں موجود ہیں اور اسی دوران حبا بخاری کی بنائی گئی مختصر ویڈیو سوشل میڈیا پر وائرل ہوگئی۔

سوشل میڈیا پر وائرل ہونے والی ویڈیو میں حبا بخاری کو سیاہ پینٹ شرٹ اور اوور کوٹ میں دیکھا جا سکتا ہے جب کہ ان کے ساتھ ان کے شوہر بھی دکھائی دیتے ہیں۔

ویڈیو میں حبا بخاری کا ’بے بی بمپ‘ بھی واضح طور پر دیکھا جا سکتا ہے جب کہ ویڈیو کے دوران اداکارہ ہاتھ سے پیٹ کو ڈھانپتی بھی دکھائی دیتی ہیں۔

مختصر ویڈیو میں حبا بخاری اگرچہ اپنے حمل سے متعلق کوئی بات نہیں کرتیں، تاہم وہ ویڈیو بنانے والے کو بتاتی سنائی دیتی ہیں کہ انہیں شدید بھوک لگی ہے اور ان کے شوہر ویڈیو بنانے والے سے قریب میں کھانے پینے کی جگہ معلوم کرتے دکھائی دیتے ہیں۔

ویڈیو میں حبا بخاری کے بڑھے ہوئے پیٹ کو دیکھ کر صارفین نے کمنٹس کرتے ہوئے اداکارہ نادیہ خان کے دعوے کو درست قرار دیا، جس میں انہوں نے کچھ دن قبل بتایا تھا کہ حبا بخاری حمل سے ہیں۔

مداحوں نے حبا بخاری کی ویڈیو پر کمنٹس کرتے ہوئے انہیں مبارک باد بھی پیش کی اور ان کے لیے نیک خواہشات کا اظہار کیا۔

خیال رہے کہ نادیہ خان نے رواں ماہ کے آغاز میں بتایا تھا کہ حبا بخاری حمل سے ہیں اور انہیں یہ بات اداکارہ کے شوہر نے خود بتائی تھی۔

اگرچہ حبا بخاری اپنے یوٹیوب ولاگز میں اپنے حمل اور یوٹیوب پر جھوٹے بچوں کی پیدائش پر بات کر چکی ہیں لیکن انہوں نے نادیہ خان کے دعووں پر کوئی وضاحت نہیں کی تھی۔

اب لندن سے ان کی وائرل ویڈیوز میں انہیں ’بے بی بمپ‘ کے ساتھ دیکھا جا سکتا ہے، تاہم تاحال اپنے ہاں بچے کی متوقع پیدائش پر اداکارہ نے کوئی وضاحت نہیں کی۔

حبا بخاری نے آرز احمد سے جنوری 2022 میں شادی کی تھی، دونوں کے درمیان شادی سے قبل کچھ عرصے تک تعلقات رہے تھے۔

مشہور خبریں۔

حزب اللہ کے راکٹ لانچرز اور ڈرون تل ابیب کے لئے ایک ڈراؤنا خواب

?️ 21 فروری 2022سچ خبریں:  لبنان میں حزب اللہ کے میزائلوں کا خوف صہیونیوں کا

پلے کا نوبل غزہ کے لیے انصاف کی جانب ایک قدم ہے: حماس

?️ 10 اکتوبر 2026سچ خبریں: اسلامی تحریک حماس نے پیلے کے نوبل انعام کے انتخاب کو

آیت اللہ سیستانی کا پوپ فرانسس کو جواب

?️ 3 اگست 2023سچ خبریں: پوپ فرانسس کے خط کے جواب میں آیت اللہ سیستانی

حکومت نے ای پاسپورٹ اور آن لائن پاسپورٹ تجدید کی سہولت کا آغاز کردیا

?️ 10 جون 2023اسلام آباد: (سچ خبریں) حکومت نے ای پاسپورٹ اور آن لائن پاسپورٹ

شمالی وزیرستان: سیکیورٹی فورسز کے آپریشن میں ٹی ٹی پی کا کمانڈر ہلاک

?️ 20 ستمبر 2021راولپنڈی (سچ خبریں) شمالی وزیرستان کے علاقے میر علی میں سیکیورٹی فورسز

پی ٹی آئی کی بدبودار ذہنیت سوشل میڈیا پر گندگی پھیلا رہی ہے۔ مریم اورنگزیب

?️ 24 فروری 2026لاہور (سچ خبریں) پنجاب کی سینئر صوبائی وزیر مریم اورنگزیب نے کہا

آرامکو اور اس میں سرمایہ کاری محفوظ نہیں؛ یمنی فوجی عہدیدار کا انتباہ

?️ 26 اکتوبر 2026سچ خبریں:یمن کے ایک فوجی عہدیدار نے سعودی آرامکو میں سرمایہ کاری

محمد الضیف اور ان کے ساتھیوں کی شہادت پر حزب اللہ کا تعزیتی پیغام

?️ 1 فروری 2025سچ خبریں:حزب اللہ نے ایک بیان جاری کرتے ہوئے محمد الضیف کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے