اشنا شاہ بھی بنیادی سہولیات فراہم نہ ہونے سے پریشان

?️ 14 نومبر 2021

کراچی (سچ خبریں)پاکستان شوبز انڈسٹری کی معروف اداکارہ اشنا شاہ بھی عام شہریوں کی طرح ملک میں بنیادی سہولیات فراہم نہ ہونے کی  وجہ سے پریشان نظر آرہی ہیں۔گرمیوں میں بجلی نہیں اور سردیوں میں گیس نہیں۔صارفین نے بھی مختلف انداز میں لکھا ہے ایک صارف نے لکھا کہ سکون صرف قبر میں ہے۔

اشناشاہ نے مائیکرو بلاگنگ ویب سائٹ ٹوئٹر پر کراچی شہر میں پانی کی کمی پر شکوہ کرتے ہوئے لکھا کہ ’گرمیوں میں بجلی نہیں، سردیوں میں گیس نہیں اور اگر آپ کراچی میں رہتے ہیں تو اسٹمک فلو کے دوران پانی نہیں‘۔

اشنا شاہ کی اس ٹوئٹ پر کچھ صارفین ان مسائل پر آواز اٹھانے پر ان کی تعریف کی۔ ایک صارف  نے انہیں ان مسائل پر اداکارہ کو حوصلہ دینے کے لیے وزیرِاعظم عمران خان کی بات یاد دلاتے ہوئے لکھا کہ’ سب سے پہلے تو آپ نے گھبرانہ نہیں ہے‘۔

جبکہ ایک اور صارف نے لکھا کہ ’ سکون صرف قبر میں ہے‘۔خیال رہے کہ شہر قائد کو طویل عرصے سے پانی کی کمی کے سامنا ہےاور اسی  وجہ سے شہری پانی مہنگے داموں پر خرید کر استعمال کرنے پر مجبور ہیں۔اسی طرح بجلی کی لوڈشیڈنگ کا مسئلہ بھی کئی سالوں سے چلا آرہا ہے اور اب  پچھلے چند برسوں سے ملک کو گیس بحران کا بھی سامنا ہے۔